As Guerreiras Laranxas volven a casa. Despois de máis de dous meses, o Pescados Rubén Burela FS recibe en Vista Alegre á revelación do Grupo B, o novel Torreblanca Melilla CF. Este será un duelo de altura, que se celebrará o sábado, 13 de febreiro, ás 18:30 horas.
A última cita que se celebrou na Mariña para as laranxas foi o pasado 9 de xaneiro, coa celebración da Supercopa de España, un título que o Burela engade ás súas vitrinas. Xogar de novo en casa é importante para as futbolistas, e a súa capitá, Peque, declara que “Foi demasiado tempo sen xogar na casa. Temos moitas ganas de volver sentir a emoción de Vista Alegre. Sempre que xogamos aquí sentímonos moi apoiadas e iso vainos a dar a vida fronte a un rival moi complicado”.
Peque: “Sempre que xogamos aquí sentímonos moi apoiadas e iso vainos a dar a vida”
A futbolista non puido viaxar para competir para o anterior partido, ante o Xaloc Alacant, por molestias nun xeonllo. Neste sentido, Peque recoñece que “este ano está a ser un pouco difícil en canto a lesións, paróns, volver coller o ritmo… pero xa estou ben e preparada para o sábado”.
Así ve a capitá do Burela ao rival
Enfronte das burelistas estará o Torreblanca Melilla, un conxunto que chega á última xornada da primeira fase de competición na Primeira División Feminina do Fútbol Sala da RFEF, con só tres derrotas. Xustamente unha delas foi diante das galegas coas que perderon pola mínima (1-2). A sete laranxa, Peque, tilda ao equipo melillense como un conxunto ascendido do que “a súa traxectoria nada ten que ver co habitual”.
Peque, futbolista do Pescados Rubén Burela: “O noso partido na ida contra o Torreblanca Melilla foi un dos máis complicados da tempada”
O cadro melillense é o xa o segundo clasificado do Grupo B da Primeira División Feminina do Fútbol Sala estatal, mérito dun plantel “que ten de todo; á contra sae moi ben; ten unha xogadora, Emilly, que está a facer unha tempada incrible…”. Por iso, recoñece a deportista do conxunto da Mariña que o partido de ida “foi un dos máis complicados da tempada”. Con todo, as galegas levaron o triunfo da cancha melillense.
Esta cita deportiva poderá seguirse en directo vía streaming a través da canle do equipo galego: BurelaFS.tv. As novas norma para os acontecementos deportivos en Galicia, e a situación epidemiolóxica de Burela, permiten tamén, nesta ocasión, que as persoas socias do Pescados Rubén Burela poidan acudir esta xornada a Vista Alegre que terá restrición de aforo, pero poderá gozar do alento do público desde a bancada.
As fútbolistas laranxas convocadas
O adestrador do Pescados Rubén Burela, Julio Delgado, terá á súa disposición este sábado un alto número de futbolistas:
- 1. Jozi Oliveira
- 3. Dany
- 4. Sandra Buzón
- 7. Peque
- 8. Cami
- 10. Lara Balseiro
- 11. Jane
- 12. Luísa Mayara
- 14. Bea Mateos
- 17. Ale de Paz
- 19. Elena Aragón
- 21. M. Cortés
| Conocemos las #GuerreirasLaranxas que disputarán el choque de mañana a las 18.30 horas @TorreblancaFS1.
https://t.co/9YfA3QERYe#Burela #Futsal #SomosFutsal #FutsalHeart
— Pescados Rubén Burela FS (@burelafs) March 12, 2021
O calendario das galegas
A parte final da primeira fase preséntase apretada para as burelistas. Nos próximos días recuperarán o partido que teñenen pendente de disputa diante do Alcorcón, será o venres 19 de marzo ás 19:30 horas. Logo, o domingo 21 de marzo ás 13:00 horas, será tempo de medir forzas co Móstoles. Disputarán, polo tanto, dous partidos en tres días.
Tal e como apuntaba a Peque: “Temos unha semana intensa. Hai que ir a partido a partido aínda que non será doada esta recta final. No entando, temos as cousas claras, queremos pasar primeiras de grupo e hai que facer fronte a todo”.
