O Campionato de España sub20 ao aire libre, celebrado en Monzón, deu conta do alto nivel das atletas galegas da categoría, que voltaron a casa con tres medallas, un récord e 14 finalistas.
Dentro do medalleiro galego, as deportistas femininas sumaron tres dos catro metais conseguidos, cos ouros de Irene Gómez e Paula Piñón e o bronce de Belén García. Así mesmo, un dos dous novos récords galegos chegou da man de María Fernández.
As actuacións galegas máis destacadas do Campionato sub20
Irene Gómez obtivo o ouro no concurso de martelo. Cumprindo todos os pronósticos, a atleta do Playas de Castellón lograba de maneira moi clara o título nacional, lanzando ata os 57,46 m. e confirmando a súa excelente progresión sobre esta modalidade.
Martillo 🚺
Irene Gómez (Valencia Club Atletismo) 57.46
🙌 ¡ENHORABUENA!
🔗 https://t.co/bXYQ9Hp7tY
📺 https://t.co/Pu04ESoU1P @LaLigaSportsTV pic.twitter.com/xDHxwZo8Zl— atletismoRFEA (@atletismoRFEA) July 4, 2021
Sen abandonar os lanzamentos Paula Piñón, do A.F. Celta, no corredor de xavelina lograba outra medalla de ouro nun trepidante concurso onde habería que agardar ata o último lanzamento para ver a mellor versión da celeste, quen nun fantástico tiro chegaba ata os 46,62 m. Con esta marca, a atleta mellorou en metro e sesenta e dous centímetros a súa MMP.
Jabalina 🚺
🥇 Paula Piñón (At. Femenino Celta) 46.82 MMP
¡Marca personal de casi 3 metros para ganar en el último lanzamiento!
🔗 https://t.co/bXYQ9Hp7tY
📺https://t.co/Pu04ESoU1P @LaLigaSportsTV pic.twitter.com/NcnN6Ii4ww— atletismoRFEA (@atletismoRFEA) July 3, 2021
A maiores, a completísima lanzadora tomaba parte no concurso peso no que lograba un posto de finalista, na sexta posición, con 10,68 m. e no disco onde lanzaba ata os 32,38 m., quedando 13ª.
Segundo apunta a Federación Galega de Atletismo, Belén García, do ADAS Proinor, subiu ao terceiro posto do podio dos 400 metros valos. Co seu rexistro de 1:02.58, logrou o prezado metal de bronce que a confirma como a máis importante das galegas sobre esta distancia.
Nos 400 m. a coruñesa do Riazor Atletismo, María Fernández lograba acceder á final onde correría nun tempo de 55,62 que representa un novo récord galego Sub20. Con este marca, logrou colocarse sexta en toda unha final dun campionato de España.
Ver esta publicación en Instagram
Así competiron o resto de atletas de Galicia
Ademáis destes podios, foron tamén moi salientables os concursos de María Pena, do A.F. Celta, en xavelina quen quedaba ás portas da medalla logo de lanzar ata os 43,04 m. Esta marca supón a segunda MMP.
Pola súa parte, Paula de la Torre, da SG Pontevedra, acadaba a quinta posición sobre os 1.500 m. En sétimo lugar, na proba do lanzamento de martelo, quedou Adriana Reguera, do ADAS Proinor.
Tamén foi sétima Ariadna Gil, do Vila de Cangas, no concurso de triplo salto. Un posto por debaixo, e na proba dos 10.000 metros marcha, quedou Alba Pérez, do CA Negreira.
No lanzamento de disco, a galega Victoria Eiriz, da Escuela Atlética Lucense, rematou en undécima posición. Pola súa parte, Carmen Martínez, do Gándara, resultou 13ª nos 3.000 m. obstáculos. Noa Mirantes, do Marineda Atlético, tamén competiu nesta proba, rematando 14ª.
Outras tres atletas galegas participaron no Campionato de España, pero quedando fóra das finais. Carmen González, do Atlética Lucense, foi quinta na semifinal dos 800 metros, concurso no que tamén competiu Clara Román, do Celta, rematando na sétima praza.
Por último, Marta Barragáns, da SG Pontevedra, foi sétima na semifinal dos 100 metros valos.
