O Campionato de Europa máster (EMACI) que se está a celebrar en Braga non para de dar éxitos para o atletismo galego. Despois dos podios de Pedrosa e Castro, preto dunha decena de galegas tamén se colgaron medalla.
Lucía Ferreiro e Rosa Sierra resultaron campioas de Europa, a primeira delas no salto con pértega F40 e a segunda nos 3000m F55. Ademais, o equipo de Cross F50, formado por Inés Papín, Julia Vaquero e Teresa Castro resultou campión da proba.
Ver esta publicación en Instagram
Volveron do EMACI con prata Felicea Tilea, subcampioa en lanzamento de peso F50 e Ana Abuín, segunda clasificada no lanzamento de martelo F60. Así mesmo, Raquel Suárez Pedrosa, galega con ficha en Madrid, rematou segunda nos 800m F35 e terceira nos 3000m.
Ver esta publicación en Instagram
Dentro dos bronces, acadaron a medalla de chocolate Inés Papín nos 3000m F50, Rosario Sureda no salto de altura F55 e Marta González en salto con pértega F35.
O EMACI aínda non rematou. Faráo o vindeiro domingo, 27 de febreiro, polo que as nosas atletas aínda están a tempo de seguir acumulando éxitos, como tamén fixeron Esther Pedrosa e Soledad Castro.
Dominio español no Europeo máster
Cun total de 166 medallas conseguidas, e o Europeo aínda por rematar, España é o país que lidera o ránking do Europeo máster de Braga.
En total, os e as españolas suman 59 medallas de ouro, 59 de prata e 48 de bronce, moi por riba de Alemaña, cun total de 94 metais, ou Portugal, con 74.
