Na Superliga 2, este fin de semana podemos disfrutar dos equipos galegos posto que tanto Zalaeta como Emevé xogan na casa. O Barrio das Flores acolle ó Sestao e o pavillón municipal dos Deportes, Arona Tenerife.
O Zalaeta xoga contra o Sestao
O Polideportivo do Barrio das Flores acollerá este fin de semana (1 de febreiro, ás 19.00 horas) a cita da xornada 15 entre o Autos Cancela Zalaeta e o CV Sestao.
“Partido moi importante para nós, por ser un rival directo e porque levamos dúas derrotas seguidas fóra da casa. Agora queremos volver a atoparnos fortes na nosa propia pista. Tenemos aínda a baixa de Carla posto que non está recuperada do esguince no nocello. Ademais a de Ele Guzzi que non contaremos con ela no que resta de tempada”, comentou o adestrador do Zalaeta, Jorge Barrero, para As Nosas.
O rival é décimo na clasificación, con tan só un punto de vantaxe do Arona. No partido da primeira volta, máis concretamente na xornada 4, en La Benedicta, as galegas resolveron o partido cun agónico tie break. Prevese, polo tanto, é un duelo equilibrado. A cinco puntos están as coruñesas a pesar da derrota contra o cvleganes.com
DATOS DE INTERESE
DÍA E HORA: 1 de febreiro, ás 19.00 horas.
CAMPO: Polideportivo do Barrio das Flores – A Coruña.
ÁRBITROS: Carlos Alberto Cordeiro Fervenza.
INCIDENCIAS: Partido correspondente a xornada 15 da Superliga 2 de voleibol no que enfrontará ao Autos Cancela Zalaeta e o CV Sestao no polideportivo do Barrio das Flores.
O penúltimo da Superliga 2 aterra en Lugo
Este fin de semana (o sábado 1 de febreiro, ás 20.00 horas) temos cita no pavillón municipal dos deportes en Lugo. As locais, o Arenal Emevé enfrontarase na xornada 15 ante o penúltimo da Superliga 2, o Arona Tenerife Sur.
“Un rival que ven se ve penúltimo na clasificación non é un rival doado como representa. Cando fomos a xogar alí na primeira volta costounos moito gañarlles a pesar de que foi un 1 a 3. Incorpora un par de xogadoras ao seu plantel se nos referimos de novo a ese partido”, dixo José Valle, o adestrador do Emevé, para As Nosas.
As lucenses están na segunda posición da clasificación. A tan só dous puntos do novo líder, o CV Sayre Décimas. Rememoremos que as da cidade amurallada foron campioas de inverno. O rival, como comentaba José Valle, suma 12 puntos, cunha diferenza de sete sobre o pechacancelas, o Rivas Ciudad del Deporte. A última vitoria a acadaron a semana pasada ante o REDPISO Torrejón.
DATOS DE INTERESE
DÍA E HORA: 1 de febreiro, ás 20.00 horas.
CAMPO: Pavillón Municipal dos Deportes – Lugo.
ÁRBITROS: Héctor González.
INCIDENCIAS: Partido correspondente a xornada 15 da Superliga 2 de voleibol no que enfrontará ao Arenal Emevé e o Arona Tenerife Sur no pavillón municipal dos Deportes.
