A Unión de Federacións Deportivas Galegas (UFEDEGA), en colaboración coa Secretaría Xeral para o Deporte da Xunta de Galicia, ten en marcha en redes sociais a campaña #ForteCoDeporte, que ten como obxectivo prioritario “fomentar o deporte federado seguro”.
Esta campaña comezou o venres día 9 de outubro e estase a estender ao longo de toda a fin de semana. UFEDEGA anima a todas as federacións, clubs, deportistas, adestradores, xuíces e a sociedade en xeral a sumarse a esta campaña, compartindo ou subindo ás súas redes sociais unha imaxe personalizada do deporte que realizan acompañado polo hashtag #ForteCoDeporte.
O obxectivo é impulsar a práctica deportiva federada durante a situación de pandemia na que nos atopamos, así como instar a sociedade e a Administración a seguir apoiando o deporte federado.
Ademais, Unión de Federacións Deportivas Galegas (UFEDEGA) quere recordar a todos que precisamente “o deporte federado é garantía de cumprimento de todas as medidas de seguridade” e que o deporte nos fai máis fortes, tanto no aspecto físico como psicolóxico.
As federacións conta con manuais baseados no FISICOVID-DxTGALEGO
Coa acción #ForteCoDeporte, a Unión de Federacións Deportivas Galegas que preside Rafael Louzán quere “facer ver á sociedade e ás administracións que o deporte federado é garantía de cumprimento de todas as medidas de seguridade”.
Por isto, a UFEDEGA quere concienciar ao respecto de que “a práctica deportiva en tempos de pandemia é unha cuestión capital”.
Varias deportistas galegas e federacións xa se teñen sumado á campaña #ForteCoDeporte estos son algúns exemplos:
FORTE CO DEPORTE. ROCÍO GARCÍA. galiciaJUDOcalidade#fortecodeporte. #galiciajudo pic.twitter.com/JF2GR6SbCq
— # galiciajudo (@galiciajudo) October 11, 2020
FORTE CO DEPORTE. ESTRELLA LÓPEZ. galiciaJUDOcalidade#fortecodeporte. #galiciajudo pic.twitter.com/oQa8GRb5Hi
— # galiciajudo (@galiciajudo) October 11, 2020
No BAXI Ferrol tamén estamos #ForteCoDeporte#ForteCoDeporteSeguro #ForteCosDeportistas #ForteCoDeporteEcoaSaúde #ForteCoasAxudasODeporte@UFEDEGA_ https://t.co/jPn1wduWwx pic.twitter.com/Vr4OTdldbA
— Baxi Ferrol (@UniFerrol) October 9, 2020
Sumámonos a @UFEDEGA_
e a súa iniciativa #ForteCoDeporte
Para fomentar un deporte federado seguro
#ForteCoDeporteEcoaMáscara #ForteCoDeporteFederado #ForteCosDeportistas #ForteCoDeporteEcoaSaúde #ForteCoaAperturaDeInstalacionsDeportivas #ForteCoCumprimentoDosProtocolos, pic.twitter.com/x58bzSdMLW— Fed. Galega Patinaxe (@FGPatinaxe) October 9, 2020
