As Celtas impuxéronse pola mínima ante un Dépor Abanca B que aguantou o primeiro tempo pero na segunda metade viuse máis carente de ideas e cedeu o control do xogo ás olívicas. O conxunto que adestra Vicky Vázquez acadaba no tempo engadido o premio ao esforzo. María Nogueira foi quen decidiu para As Celtas o triunfo na Cidade Deportiva da Madroa apenas un ano despois do primeiro derbi na cidade olívica. Nos dous previos non puideron as viguesas coas coruñesas. Pero á terceira foi a vencida e as celestes gañaron por 1-0.
Ver esta publicación en Instagram
Na 6ª xornada da Segunda Federación celebrouse un dos encontros máis esperados da competición, o primeiro derbi galego do presente curso. O RC Celta de Vigo mediuse, e venceu, a un RC Deportivo de La Coruña B que deixaba escapar o empate nos últimos instantes ante un dos equipos favoritos para liderar a competición.
Con este resultado As Celtas do RC Celta de Vigo colócanse novamente como líderes da Segunda Federación.
Ver esta publicación en Instagram
O encontro, que se disputou no campo de A Madroa o pasado sábado, rematou coa vitoria de As Celtas por 1 gol a 0, un tanto anotado por María Nogueira nos últimos minutos do partido.
Xusto un ano despois do primer derbi en Abegondo, As Celtas saltaron ao terreo de xogo dispostas a batir a un Dépor Abanca B que contaba no seu once inicial con algunhas caras xa habituais no primeiro equipo, coma Michi Apóstol, Carmen Carballada ou Paula Redru.
Tamén a presenza de Martina Rivas, a porteira, é unha frecuente nas convocatorias do Dépor Abanca.
Ver esta publicación en Instagram
No cadro celeste destaca a figura de Tatiana Barcia ,que militou no cadro deportivista durante tres tempadas ata o curso 2022-2023.
No encontro viviuse unha primeira parte parella, que facía pensar nun final con marcador a 0, e un segundo tempo con dominio celtista, que xa presaxiaba o triunfo das viguesas, fixo imposible que as blanquiazuis repetiran a vitoria do pasado curso, no que conquistaron ás celestes en Balaídos por 2 goles a 1 no tempo de desconto.
Ver esta publicación en Instagram
O gol de María Nogueira deu a vitoria As Celtas
Esta vez, unha xogada que comezaba Estela Castro no centro do campo, rematou cun gol de María Nogueira, que superou con soltura ás centrais deportivistas e finalizou a intervención da mellor maneira posible para as viguesas no minuto 92.
FICHA TÉCNICA
1) RC CELTA DE VIGO: Naiara Martínez, Paula Jimena, Tatiana Barcia, Ana Toubes, Estela Castro, María Figueroa, Nara Fernández, Noela Sánchez, Sara Álvarez, Nerea González e Celia Fontecha.
0) DÉPOR ABANCA B: Martina Rivas Sara Barreda, Michi Apóstol, Carmen Carballada, Laura Otero, Marta Rico, Sonsoles Martín, Paula Redru, Laura Ruiz, Jennifer Rodríguez e Emma Gandoy.
GOLES: (1-0) María Nogueira (min. 90+2).
EQUIPO ARBITRAL: Sergio Arriondas Fernández, Jimena Arena Costas e Carla Rodríguez, Rodríguez
INCIDENCIAS: Partido correspondente á 6ª xornada da Segunda Federación de Fútbol Femenino disputado na Cidade Deportiva da Madroa (Vigo).
Ver esta publicación en Instagram
