Despois dun ano complicado para o deporte, As Brigantias comezarán o verán cun scrimmage especial “As Brigantias contra As Brigantias” aberto ao público. O evento terá lugar o vindeiro sábado, 19 de xuño, entre as 18:00 e as 20:00 horas no polideportivo coruñés de Monte Alto.
O club herculino de roller derby quere compensar o parón e retomar os duelos competitivos a través deste scrimmage, unha simulación de partido máis informal que os oficiais, pero con moita acción e estratexia.
A intención das patinadoras é a de dar a coñecer o seu deporte e achegar o club ao público. Nesta disputa, as novas integrantes do equipos poderán ensinar na pista todo o aprendido, no que será o seu debut nun “partido” real.
As portas do polideportivo abrirán ás 17:30 horas, e como o aforo é limitado, as coruñesas subliñan a necesidade de que as persoas asistentes sexan puntuais.
Sabemos que o estabades esperando e nós tamén!
Comezamos o verán da mellor maneira, cun scrimmage para poñer a proba todo o aprendido durante este ano tan duro.🔥💪
Ao fin as nosas freshies probarán por primeira vez un “partido” real. É que as ganas de derby eran moitas!! pic.twitter.com/mjlbEbqCi6— As Brigantias Roller Derby A Coruña (@AsBrigantiasRD) June 7, 2021
