Tras tres meses de confinamento e sen poder adestrar, as patinadoras de As Brigantias retoman os adestramentos. Desde mañá, serán todos os xoves de 20h a 23h na pista de Monte Alto. Os adestramentos irán enfocados a practicar e mellorar habilidades de patinaxe dado que polas condicións sanitarias polo momento non é posible realizar actividades de contacto.
Mentres retoman a actividade, desde As Brigantias están a buscar novas xogadoras para o equipo, así como persoal de voluntariado e persoal de arbitraxe. Desde o club convidan a todas aquelas persoas que lle guste o deporte en equipo, a patinaxe ou a todas aquelas que queiran coñecer xente nova e descubrir máis sobre o Roller Derby. Non se requiren coñecementos previos de Roller Derby, o único requisito é ter máis de 16 anos.
As interesadas poden asistir os xoves ao polideportivo de Monte Alto dende ás 20h ás 23h ou escribir a uneteasbrigantias@gmail.com
