O Brigantia Roller Derby fixo dobrete de vitorias a pasada fin de semana. As coruñesas xogaron os dous encontros na casa, o primeiro ante Black Thunders de Madrid e o segundo, ante o equipo asturiano de A Güestia.
Contra as madrileñas, o marcador foi de un avultado 211-27 a favor de As Brigantias. No segundo encontro, as galegas tamén atoparon unha vitoria cómoda, tras impoñerse por 203-30. Ambos os partidos destacaron por unha boa demostración de xogo limpo e compañeirismo, e o día terminou cunha celebración no Centro Social Gómes Gaioso.
Próxima xornada da Liga Galena de Roller Derby
O seguinte evento derby da tempada terá lugar o 25 de xaneiro no polideportivo de Montealto, e será o primeiro encontro da III Liga Galena de Roller Derby.
