O pasado sábado 19 de novembro disputouse no pavillón de Elviña II un triangular internacional de Roller Derby WFTDA, enmarcado dentro do programa “Back to the track” da propia WFTDA, onde as anfitrioas foron o equipo local Brigantias Roller Derby.
Ver esta publicación en Instagram
A xornada deu inicio ás 13.00 horas entre o equipo de Malmo Crime City Rollers B (Suecia) e Rotterdam Roller Derby, finalizando cunha superioridade do equipo chegado desde os Países Baixos e situado no posto 50 do ranking europeo.
Ver esta publicación en Instagram
Xa as 15.15 horas, saltaban a pista plana o equipo local para xogar o seu primeiro partido da xornada contra o de Malmo. Quedando nun marcador final de 192 – 110.
Sen tempo para o descanso, ás 17.30 horas, As Brigantias RD A Coruña enfrontáronse a Rotterdam Roller Derby, chegando ao descanso cun marcador de 58- 99. As locais xa non deron remontado ese diferencial, quedando o marcado final en 78 – 203.
Ver esta publicación en Instagram
As Brigantias suben do posto 96 ao 83 do ránking europeo da WFTDA
O resultado acadado polas As Brigantias RD A Coruña ante equipos situados no máis alto do ranking europeo foi un desafío a nivel de xogo, estratexía e físico, logrando con eses marcadores ascender do posto 96 ao 83 do ranking europeo da WFTDA.
Brigantias Roller Derby retomaran a competición xa para o ano 2023, cos partidos do Nacional ARDE, e os da Liga Federativa Galega, onde por vez primeira presentaranse con equipo A (actuais campionas) e B.
