Na primeira xornada de da Liga Senior Feminina Autonómica de hoquei a patíns quedou un partido pendente que se vai disputar esta fin de semana. Trátase do CH Raxoi – APG Bierzo que se xogará o sábado 22 ás 12:30 en Compostela. O cruce, que acollerá o Pavillón de Vite, será dirixido polo colexiado Pablo Gómez Toba. As baixas serán unha das cuestións que marcaran un partido que se prevé igualado.
No bando visitante, preocupa a ausencia da capitá, Carla Sariol, unha das principais bazas das leonesas sobre a pista. Con todo, o técnico da APG Bierzo, Álvaro Sariol, aínda que preocupado por esa “baixa importante” ve ao seu equipo “ben” para afrontar este partido. “O bloque adestrou ben e vexo ás xogadoras metidas e con ganas”, comenta.
Álvaro Sariol, adestrador do APG Bierzo: “O bloque adestrou ben e vexo ás xogadoras metidas e con ganas”
Pola súa parte, Pedro Siaba, adestrador do CH Raxoi, terá que sumarlle ás baixas da anterior xornada a de Noa Fuentes “que estivo tocada durante o partido co Cambre, gardou reposo de adestramentos esta semana, pero tampouco estará preparada para afrontar este partido”, lamenta o técnico das galegas.
Na cabeza de Siaba ronda o reto de preparar un encontro “cunha plantilla un pouco xusta, pero sen dúbida con moitas ganas”, así que as compostelás poránlle esforzo extra ao cruce co Bierzo.
Álvaro Sariol, adestrador do APG Bierzo: “Seguramente o Raxoi buscará resarcirse da Copa”
O Raxoi quere cobrarse as derrotas de Copa
Saben as leonesas que o Raxoi é un oso duro de roer e non se confían pese a terse imposto ás galegas nos dous cruces previos desta tempada. Foron partidos da Copa Federación nos que as do Bierzo gañaron por 1-0 e 3-4, é dicir, pola mínima.
“Son un rival que estará preparado e con ganas, xa que os últimos dous partidos nos que nos enfrontamos lles gañamos na Copa. Seguramente buscarán resarcirse”, advirte o adestrador do APG Bierzo. “Agardo que sexa un partido competido e bonito, como adoitan ser contra o CH Raxoi“, prognostica Álvaro Sariol.
Pedro Siaba, técnico do CH Raxoi: “Xa recibimos dúas derrotas delas esta tempada, pero xogaremos con ilusión e confianza. Os partidos da Copa foron axustados, e temos ganas dunha revancha”
No banco local, Pedro Siaba pretende afrontar o partido “con respecto polo contrincante, que é un equipo complicado”. Lembra tamén o adestrador das compostelás esas dúas derrotas colleitadas na competición previa, a Copa Federación. “Xa recibimos dúas derrotas delas esta tempada, pero xogaremos con ilusión e confianza. Os partidos da Copa foron axustados, e temos ganas dunha revancha”, confesa confirmando as sospeitas do adestrador visitante.
Pedro Siaba, técnico do CH Raxoi: “Tentaremos facer un partido moi serio en defensa, que nos xeren as menores ocasións posibles, que as nosas chegarán”
Sobre o plantexamento táctico, apunta Siaba que as galegas tentarán “facer un partido moi serio en defensa, que nos xeren as menores ocasións posibles, que as nosas chegarán”.
