Andalucía, en concreto Motril e Antequera, será as próximas paradas nacionais das atletas galegas. No primeiro caso a localidade granadina acollerá o Campionato de España de Lanzamentos longos. Alí estarán Andrea González, Carmen Sánchez ou Irene Gómez, tal e como informa a Federación Galega de Atletismo. No segundo, o municipio malagueño será escenario do Campionato de España máster de pista cuberta, esta cita participarán as galegas Luz Mª Domínguez, Emilia Mesa, Esther Pedrosa ou Flora Josefa Guzmán.
O 7 de marzo está prevista a cita de Motril. Entre a relación de participantes estará na gaiola de martelo o adestrador e atleta máster Carlos Revuelta da A.D. Marathon así como as/os recentemente proclamadas/os subcampións de España en martelo Sub 20 Irene Gómez do Valencia Atletismo e Yago Araujo do Real Club Celta adestrados por Manuel Hermida.
A subcampia nacional absoluta de xavelina do ano pasado en La Nucía e pupila de Necho Fernández, Carmen Sánchez do Unicaja Jaén e a Sub 23 Andrea González da Gimnástica adestrada por Santi Ferrer, completan a lista de atletas galegas que viaxarán ata esta importante cita.
Nacional máster de pista cuberta
Tamén esta fin de semana será a quenda para as atletas máster galegas que tomarán parte no seu campionato nacional de pista cuberta. Será en Antequera e Galicia acude cun total de 52 inscritos/as.
A esta cita pódese destacar o concurso de atletas como a internacional Emilia Mesa quen tomará parte na lonxitude e nos 60 m., así como Esther Pedrosa do Playas de Castellón quen correrá os 800 m. e os 1.500 m. Pola súa banda na categoría masculina, Juan Manuel Morales do Marineda sairá na proba dos 3.000 marcha.
De igual modo haberá que seguir as evolucións tanto de Luz María Domínguez do Burgas Ourense quen tomará parte nos 400 e nos 800 m.e as Juán Luis Paz do Marineda en combinadas.
Ademáis das citadas, viaxarán ata Antequera logo de establecer recentemente novas plusmarcas autonómicas nas súas respectivas categorías, os/as atletas Juán Manuel Bao do ADAS Proinor quen tomará a saída nos 60 m; Fernando Paredes do Real Club Celta no peso; Juan Antonio Gude do Lucus Caixa Rural Galega nos 3.000 m.; Carlos Ferrer no A.Narón en peso e Flora Josefa Guzmán do Comesaña S.C. en 60 m. e 200 m.
