Unha audiencia de máis de 60.000 persoas, 17.500 horas de visualizacións, máis de 500.000 impresións e seguidores en todas as partes do planeta, son as cifras que arroxa os 16 encontros que organizou neste tempo de estado de alarma a Real Federación Galega de Fútbol baixo o título ‘Xornadas Online da RFGF’.
En varios dos encontros dixitais se contou con protagonistas vencelladas ao deporte feminino como as futbolistas Vero Boquete e Tere Abelleira, ou os técnicos Manu Sánchez, Toña Is e María Pry.
Os presidentes dos clubs galegos profesionais (Carlos Mouriño, Fernando Vidal e Tino Saqués) e o máximo reponsable da RFGF (Rafael Louzán) foron os encargados este venres de clausurar oficialmente as Xornadas Online, unha iniciativa que puxeron en marcha o Comité Galego de Adestradores e o Departamento de Comunicación da RFGF alá polo 27 de marzo cun único obxectivo: amenizar o confinamento.
Por estes encontros virtuais que se prolongaron durante case dous meses desfilaron representantes de todos os estamentos que dan vida tanto ao fútbol como ao fútbol sala: adestradores/as, árbitros, xogadores/ as e directivos. A todos e a todas a RFGF dalles “un millón de grazas” nunha nota de prensa publicada na súa web.
Unha larga lista de persoas protagonistas dos encontros da RFGF
Todos os encontros virtuais están á disposición das persoas aficionadas ao fútbol e fútbol sala na canle oficial de Youtube da Real Federación Galega de Fútbol.
A lista de protagonistas destas ‘Xornadas Online da RFGF’ por orde de participación a compoñen:
- Paco Jémez (adestrador do Rayo Vallecano)
- Miroslav Djukic (adestrador do Sporting de Gijón)
- Eusebio Sacristán (ex adestrador do Real Valladolid, Girona ou RC Celta)
- Sergio González (adestrador do Real Valladolid)
- Pitu Abelardo (adestrador do RCD Espanyol)
- José Luis Mendilibar (adestrador da SD Eibar)
- Óscar García (adestrador do RC Celta)
- Fernando Vázquez (adestrador do RC Deportivo)
- Curro Torres (adestrador do CD Lugo)
- Bruno García (seleccionador nacional de Xapón de Fútbol Sala)
- Miguel Rodrigo (ex seleccionador de Vietnam e Xapón de Fútbol Sala)
- Jesús Velasco (ex adestrador do Inter Movistar)
- Jorge Braz (seleccionador nacional de Portugal de Fútbol Sala)
- Rubén Albés (ex adestrador do Real Valladolid
- UCAM Murcia ou RC Celta B), Rafa Sáez (adestrador do Arosa SC)
- Nacho Iglesias Villanueva (árbitro VAR)
- Diego Sánchez Rojo (árbitro asistente na Primeira División)
- Pedro Galán (Presidente do Comité de Árbitros de Fútbol Sala da RFEF)
- Juanjo Cordero Gallardo (mellor árbitro do mundo de Fútbol Sala)
- Luis Carro (adestrador do Ribadumia)
- Toña Is (ex seleccionadora nacional Sub 17 Feminina)
- Manu Sánchez (adestrador do RC Deportivo Abanca)
- María Pry (adestradora do Levante UD Feminino)
- Diego Martínez (adestrador do Granada)
- Unai Emery (ex adestrador do Sevilla FC, PSG, Valencia CF ou Arsenal FC)
- Luis de la Fuente (seleccionador nacional Sub 21)
- Asier Garitano (adestrador do Deportivo Alavés)
- Héctor Souto (adestrador de O Parrulo Ferrol)
- Juanma Marrube (adestrador do Burela Pescados Rubén)
- Vero Boquete (xogadora dos Utah Royals FC)
- Tere Abelleira (xogadora do RC Deportivo Abanca)
- Diego López (porteiro do RCD Espanyol)
- Borja Iglesias (xogador do Real Betis)
- Carlos Mouriño (presidente do RC Celta)
- Fernando Vidal (presidente do RC Deportivo)
- Tino Saqués (presidente do CD Lugo)
- Rafael Louzán (presidente da RFGF).
