As vacacións de Nadal remataron para o Arxil. Este xoves (2 de xaneiro) o equipo de Pontevedra volveron ós adestramentos para preparar o último partido da primeira volta da Liga Feminina 2. Será ante o Leganés en Madrid.
Pero antes terán un encontro moi especial, será en Pontevedra. Este sábado (4 de xaneiro, ás 19.30 horas) xogan no Centro Galego de Tecnificación Deportiva (CGTD) ante o Carmelitas de Ourense. O partido corresponde a celebración do XXV edición da Cidade de Pontevedra. O conxunto da cidade das burgas está na primeira división galega.
Maite Méndez tivo a súa disposición a todas a súas xogadoras. Salvo as lesionadas Violeta Crespo e Natalia López.
O traballo para preparar este encontro en Pontevedra comezou cunha intensa carga física dirixida polo preparador físico, Magin Méndez. O conxunto pontevedrés espéralle uns días de traballo longo. As xogadoras verdes queren volver canto antes a intensidade necesaria que permítalles pelear por sumar canto antes a vitoria.
Agora mesmo son as duodécimas na clasificación da Liga Feminina 2 suman só tres vitorias e nove derrotas. Levan unha racha de seis partidos seguidos perdendo.
En canto ós fichaxes, o equipo está mirando a varias xogadoras. Este fin de semana esperan tomar unha decisión posto que lles gustaría que a nova incorporación estivera aquí a vindeira semana.
As categorías bases do club de Pontevedra desprázanse o torneo de Nadal de Carmelitas
Este sábado (4 de xaneiro), as categorías bases do Arxil viaxan ata Ourense. Veñen de gañar o torneo amigable de Valongo, en Portugal. As xuvenís recolleron o trofeo que as acreditaron campioas. Os seis equipos restantes do club pontevedrés tamén acadaron uns bos resultados.
Alí disputarán o Torneo de Nadal da entidade de as burgas, o Carmelitas. Ademais estarán equipos como o Isidro de Valladolid, o Allariz e o Xinzo. Os conxuntos que se desprazan o sábado serán ás xuvenís, o cadete A e as infantís do Bon Pollo.
O Cortegada, o Baxi Ferrol e o Celta seguen de vacacións
Aínda que non por moito tempo, o tempo de descanso continúa para os conxuntos galegos da AD Cortegada, Baxi Ferrol e Celta Zorka Recalvi.
A pesar de que non comecen hoxe os adestramentos, o resto dos equipos galegos da Liga Feminina 2 volverán a retomar o traballo moi pronto. Esta fin de semana non teñen competición. Pero no retorno pecharán a primeira volta da competición.
O Cortegada é undécimo con catro vitorias. E só o separan catro puntos do Pozuelo. O Celta e o Baxi están máis arriba. As de Cristina Cantero están na séptima posición con sete vitorias. O conxunto da cidade naval é terceiro con oito vitorias, separado do líder, o Movistar Estudiantes por tan só tres puntos.
Na xornada trece, o Baxi Ferrol recibe na Malata ó Añares Rioja. O Cortegada terá un partido moi dificil. En Fontecarmoa xogarán ante o Movistar Estudiantes. Por parte do conxunto vigués volverán a súa casa despois de dúas xornadas xogando fóra. O rival será o pechacancelas, o Pozuelo.
Sen embargo, o Celta Zorka Recalvi volve a pista de Navia o día 6 de xaneiro ás 18.30 horas. Xogara un partido amigable no IV aniversario do pasamento de que fora o seu presidente, Paco Araújo. O seu rival será Durán Maquinaria Ensino. Ademais contará cunha baixa no seu plantel.
Helmi Tulonen di adeus ao Celta
Seguindo coa actualidade do Celta Zorka Recalvi, a súa xogadora Helmi Tulonen, e o equipo directivo do club vigués, concretaron de mutuo acordo a rescisión do contrato que a vinculaba á elástica celeste. A pivot finlandesa disputou once partidos en Liga Feminina 2 e cumplía a súa primeira tempada no baloncesto español. Como contrapunto, como anunciou este medio, o club engadiu ao seu plantel a Ángela Coello.
