Non emprezou con bo pé o equipo coruñés o seu concurso como recén ascendido á LF2. O Maristas Coruña caeu derrotado en cancha propia polo CB Arxil por un tanteo (67-73). Na outra cara da moeda, as tamén galegas do conxunto pontevedrés inician o seu concurso na liga 2020-21 cunha vitoria.
O conxunto dirixido por Maite Méndez desprazouse a Coruña para enfrontarse ao Maristas de Jorge Carreira nun duelo comezou costa arriba para as verdes. Nada máis empezar, con so catro minutos de partido xogados, o CB Arxil deuse de fociños cun parcial de 8-0.
Con todo, despois de que Forster sumara os primeiros puntos cun lanzamento de tiros libres, as de pontevedreas empezarona reducir distancias cun triplo de Carla Díaz que puña o 8-5 no marcador.
Na recta final do primeiro cuarto as visitantes puxéronse por vez primeira no marcador cunha diferenza de cinco puntos (18-23).
Como xa colleran carreira as xogadoras do CB Arxil seguiron buscando impór o seu xogo ao Maristas Coruña, que non baixou os brazos. Así, a pivote Bineta Ndoye, anotou para aumentar a vantaxe (19-25), pero un tiro de tres e outro de dous por parte do Maristas, volveron apertar o partido colocándose (24-25).
As locais, aproveitaron os erros das visitantes que erraron nos seus tiros e lle deron a volta ao electrónico a falta de 5 minutos para o descanso (28-27).
Co partido totalmente aberto, as coruñesas foron a por todas. O Maristas pisou o acelerador e conseguiu irse novamente no electrónico apuntándose unha diferenza de 6 puntos. Esa vantaxe mingou logo do acerto de Forster, que puxo no marcardor o tanteo de 37-33 co que finalizou o segundo cuarto.
Igualdade cuarto tras cuarto
No terceiro cuarto, aínda que o Maristas anotou un lanzamento desde a liña de 3 puntos nada máis arrincar o partido, o CB Arxil seguiu co teimano no seu xogo con tranquilidade e pouco a pouco foi quen de reducir distancias coas herculinas. A boa actuaciónde Sara Castro (10 puntos), Forster (8 puntos) e Cristina Díaz (8 puntos) deron como resultado que o partido volvese a igualarse.
Quedaban cinco minutos e ningún dos equipos galegos parecía dono do encontro. A igualdade era a tónica predominante en todos os aspectos do xogo
O CB Arxil de Maite Méndez púxose por diante despois de que Sara Castro anotase dous tiros libres (45-46), pero o Maristas Coruña contestou do mesmo xeito. Fixeron o propio para anotar de novo e irse nun máximo de sete puntos, reducidos de novo polo Arxil antes de chegar á recta final do encontro (56-53). Un toma e daca de libro entre ambos os dous conxuntos.
Co último cuarto chegaron os mellores minutos das pupilas de Maite Méndez, que venceron ao cansazo e ao seu rival para dar a volta ao partido e regresar ao xogo que demostraran ao comezo do cruce.
O Maristas anotou un lanzamento de tres, pero as de Pontevedra meteron o turbo e conseguirno asinar un parcial de 0-8.
Noelia Masía respondía anotando de dous, roubando o balón no ataque do rival e volvendo anotar para poñer o 59-57 no marcador.
Acto seguido, Sara Castro lograba, igual que a súa compañeira, catro puntos seguidos, poñendo ao Club Baloncesto Arxil por diante cando máis o necesitaba. Castro (15 puntos) pasou de anotadora a asistente dando un balón a Masía, que anotou dobre (9 puntos) para poñer o 59-65 no luminoso.
As locais pediron tempo morto e trataron de facer dano coa efectividade no lanzamento desde a liña de tres de Tatiana Casal (5/6 en tiros de tres), que reducía unha diferenza que de novo facíase maior.
O CB Arxil aguantou a súa vantaxe nos últimos minutos
Así e todo, o conxunto de Pontevedra continuaba anotando mantendo o pequeno colchón que lles daba a vitoria no electrónico a condición de que fosen capaces de aguantalo os dous minutos que quedaban para a conclusión.
Con moito sufrimento, finalmente as verdes conseguiron poñer no marcador o 67-73 co que se chegou ao final, logrando así a súa primeira vitoria esta tempada.
FICHA TÉCNICA
MARISTAS CORUÑA: Tatiana Casal Beloy (17), Mara Cortes Rey (4), Eugenia Filgueira Chenlo (13), Joana Cristina Pereira Ferreira (2), Laura Cervelo Martínez (9) – quinteto inicial -; tamén xogaron: Laura Martínez García (2), Elena Pedrosa García (-), Marina Feijoo Barbeito (7), Beatriz Sanz Arnaz (4) e Andrea Pérez Alonso (9).
C.B. ARXIL: Carla Noelia Fernández Fernández (6), Noelia Masia Llanes (15), María Lago García (7), Cristiana Díez Pache Blas (9), Heather Marie Forster (9) – quinteto inicial -; tamén xogaron: Margarita Moreira Gomes (-), Natalia López Pérez (6), Bienta Ndoye (4) e Sara Castro Marrero (17).
PARCIAIS: 18-23 / 19-10 / 19-20 e 11-20.
ÁRBITROS: Iván Escariz Torres e Elio Clavería Sánchez.
INCIDENCIAS: Partido correspondente á primeira xornada da LF2 disputado no pavillón do Colexio Maristas da Coruña.
MIRA O PARTIDO NO FACEBOOK DO MARISTAS
Ante as restriccións de aforo polos protocolos de prevención da COVID-19, o Maristas Coruña emitiu o partido nun directo desde a súa conta de Facebook.
