A Liga Feminina 2 para as galegas non queda só na cita que se xogará na Malata entre o Baxi Ferrol e o Celta Zorka Recalvi. Esta fin de semana, tanto o Arxil como o Cortegada viaxan ata País Vasco e Asturias para enfrontarse as súas citas. As pontevedresas aterran na pista do GDKO Ibaizabal e as arousás na do ADBA.
Último desprazamento longo para o Arxil
O País Vasco é a última viaxe longa para o Arxil. As pontevedresas enfróntanse na xornada 21 da Liga Feminina 2 ao GDKO Ibaizabal. Quedan cinco encontros: tres no CGTD e dúas salidas para os duelos galegos.
O seu rival, o Ibaizabal, é cuarto con trece vitorias e cinco derrotas. Veñen de gañar ante o Pozuelo. “O partido será complicado por moitos factores”, apunta Maite Méndez, a adestradora do C.B. Arxil.
“É unha viaxe longa e sobre o partido espero que sexa moi físico contra un equipo que está nunha boa dinámica onde suman moitas xogadoras e conseguiron un xogo sólido”, engadía sobre o rival a técnica das verdes.
Elas agora mesmo son undécimas con 26 puntos. Na xornada anterior impuxéronse na casa ao Ausarta Barakaldo. “Nós debemos buscar noso ritmo do xogo, partindo da nosa defensa e crecer desde ahí. Non podemos perder balones”, comentaba sobre as súas xogadoras Maite Méndez.
DATOS DE INTERESE
DÍA E HORA: 7 de marzo, ás 19.00 horas.
CAMPO: Polideportivo Urreta – Galdakao (Vizcaia).
ÁRBITROS: Aitor Gómez Hernández e Pablo Mirantes Ibabe.
INCIDENCIAS: Partido correspondente a xornada 21 da Liga Feminina 2 de baloncesto no que se enfrontará o GDKO Ibaizabal e o C.B. Arxil no Polideportivo Urreta.
Sumar pola permanencia na Liga Feminina 2
O A.D. Cortegada teñen unha cita doada. Esta fin de semana enfróntase ao ADBA o sábado (7 de marzo, ás 20.00 horas). Un partido importante para acadar puntos de cara a permanecia. As galegas, agora mesmo son duodécimas e atópanse a dous puntos do seu rival desta xornada.
O ADBA é décimo terceiro con dúas vitorias e dezaoito derrotas. As de Vilagarcía, sen embargo, suman dúas vitorias máis. As asturianas veñen de perder por dez puntos ante o Patatas Hijolusa. As galegas, na casa, foron derrotadas polo Sinergia Canoe.
Na ida, xogada en Fontecarmoa, as arousás impuxéronse por un 75 a 57 no electrónico. As xogadoras máis destacas das locais foron Andrea Rios con 10 puntos e Patricia Vicente con 6 triplos e tan só unha canastra de dous puntos fixo un total de 23.
DATOS DE INTERESE
DÍA E HORA: 7 de marzo, ás 20.00 horas.
CAMPO: Complexo Deportivo de Avilés – Avilés (Asturias).
ÁRBITROS: Alejandro Velasco Sánchez e Jorge González Escobar.
INCIDENCIAS: Partido correspondente a xornada 21 da Liga Feminina 2 de baloncesto no que enfrontará ao ADBA e o A.D. Cortegada no Complexo Deportivo de Avilés.
