Na xornada 15 da Liga Feminina 2 só xoga na casa o Arxil. As de Pontevedra levan toda a semana facendo un festín para chamar aos afeccionados a acudir a cita ante o Pozuelo. O Cortegada e o Baxi poñen o mesmo rumbo este fin de semana, ao País Vasco. As arousás compiten contra o Añares Rioja e as da cidade departamental contra o GDKO Ibaizabal. Por parte das celestes viaxan a capital para enfrontarse líder en solitario, o Movistar Estudiantes.
As arousás enfróntase o Añares Rioja
Despois de xogar dous fin de semana seguidos en Fontecarmoa, o equipo adestrado por Rubén Domínguez viaxa este fin de semana ata Gipúzcoa para disputar o sábado (25 de xaneiro, ás 18.30 horas) a xornada 15 ante o Añares Rioja.
No encontro da primeira volta, as do Cortegada perderon por doce puntos na súa casa (65-78). Partido no que destacou con 31 puntos a canadiense Jessica Fequiere. Por parte das nosas xogadoras, a ex do equipo Tyra Jones fixo un total de 18.
As de Vilagarcía veñen de perder por unha diferenza mínina ante o Patatas Hijolusa. Comezaron moi baixas pero sacaron as garras para intentar que a vitoria quedara na casa. Son décimas con 18 puntos. O seu rival non está moi por riba delas. Están na novena posición da liga.
DATOS DE INTERESE
DÍA E HORA: 25 de xaneiro, ás 18.30 horas.
CAMPO: Polideportivo Municipal de Azpeitia- Azpeitia (Guipúzcoa).
ÁRBITROS: Bogdan Alexandru Potcoava Potcoava e Iñigo Díaz de Sarralde Martín.
INCIDENCIAS: Partido correspondente a xornada 15 da Liga Feminina 2 no que enfrontará ao Añares Rioja ISB contra o A.D. Cortegada no Polideportivo Municipal de Azpeitia.
O Baxi Ferrol visita a cancha do colíder
As ferrolás disputan un encontro moi importante ante o Ibaizabal o sábado (25 de xaneiro, ás 19.00 horas). En xogo están uns puntos moi importantes para o cadro departamental.
As súas rivais estan na segunda plaza cunha vitoria máis que o Baxi Ferrol. Na primeira volta, as vascas gañaron en Esteiro por catro puntos (69-73) na prórroga. Neste plantel destaca a presencia da ex xogadora do cadro ferrolá, a letona Marta Miscenko.
As de Lino López viaxan con algúns problemas físicos importantes. O adestrador destaca: “Tamara non poido entrenar toda a semana por un golpe que recibiu no xeonllo. Jenna tamén recibiu otro pero espero que nos poidan axudar”.
Con respecto ao adversario, sinalou que “conta con seis xogadoras que están na pista a maior parte dos minutos. Levan moi bo ritmo nos partidos e saben cando teñen que correr e cando teñen que facer posesións largas, o que lles leva a chegar con bastante enerxía ao final e gañar nos últimos minutos”.
Ademais o López comentou: “Para nós é un encontro moi importante. A segunda volta, os enfrontamentos directos teñen un dobre valor se eres capaz de sumar e que o rival non o faga. Intentaremos conseguir o triunfo e se pode ser por máis de catro, mellor”.
DATOS DE INTERESE
DÍA E HORA: 25 de xaneiro, ás 19.00 horas.
CAMPO: Polideportivo Urreta – Galdakao (Vizcaia).
ÁRBITROS: Álvaro López Luis e Jon Barradas Sesma.
INCIDENCIAS: Partido correspondente a xornada 15 da Liga Feminina 2 no que enfrontará ao GDKO Ibaizabal contra o Baxi Ferrol no Polideportivo Urreta.
O Arxil fai un chamamento á afección
Tras o duelo galego do fin de semana pasado e cunha balance de tres vitorias e once derrotas, o Arxil retorna a pista do CGTD para enfrontarse o Aedas Homes Pozuelo UFV (14º posición). Segundo partido da segunda volta da competición.
Desde o 9 de novembro non conseguen unha vitoria. A última ante o Añares. Aínda así fixo moi bo partidos ante o Movistar, o Barakaldo e o Canoe. Este fin de semana (o sábado 25 de xaneiro, ás 19.30 horas) busca afianzarse a Liga Feminina 2. Durante toda a semana fixeron un chamamento a afección para que apoien o partido. Johanna e a capitá Carla estiveron en rolda de prensa para pedir que a poboación se acerque ao CGTD.
Maite Méndez, a adestradora do Arxil, ten “gañas de ver o equipo competir, de ver se son capaces de manter a regularidade dos partidos”. Para Maite, o seu plantel “xoga moi bos minutos pero necesitan afianzarse a continuidade”.
Respecto ao partido, ven o último clasificado. “Temos que manter a atención e a concentración. Necesitamos a vitoria máis ca elas e xogamos na casa”. No que nas súas filas, está a xogadora formada no Celta Zorka Recalvi como é Paloma González, a máxima anotadora con 97 puntos acumulados.
DATOS DE INTERESE
DÍA E HORA: 25 de xaneiro, ás 19.30 horas.
CAMPO: Pavillón do CGTD (Estadio da Xuventude)- Pontevedra.
ÁRBITROS: Martín Trasancos Blanco e Samuel Martínez Covelo.
INCIDENCIAS: Partido correspondente a xornada 15 da Liga Feminina 2 no que enfrontará ao C.B. Arxil contra o AEDAS HOMES CB Pozuelo UFV no pavillón do CGTD.
Partido complicado para as celestes ante o líder da Liga Feminina 2
O domingo (26 de xaneiro, ás 12.30 horas) o Celta ten un reto moi importante ante o líder da liga, o Movistar Estudiantes. Apunta a ser un dos partidos máis emocionantes dos últimos tempos vividos na esfera celeste. Supón un golpe de autoriedade para recuperar os galóns perdidos.
O equipo vigués chega a cancha estudiantil tras unha racha de tres vitorias consecutivas cun bo momento demostrado no duelo galego. As sensacións son moi boas e como indica a súa adestradora Cristina Cantero, “o equipo está competindo mellor e adestrando con moi boa dinámica”. Para o equipo apunto que “é un reto poder volver a competir sobre todo fóra da casa no que non estivemos moi ben. Nas saídas non chegamos moi descansadas e conmpetimos peor. Ese é o reto que nos poñemos”.
O segundo elemento é o rival, Movistar Estudiantes. O equipo lidera cun paso firme o grupo A con trece vitorias e unha derrota. Ten un colchón de seguirdade importante pero non debe dormirse na súa posición de liderato. A única derrota foi ante o Celta na segunda xornada. Respecto o rival, Cantero indica que “seu xogo interior con variedade que ten catro xogadoras está sendo moi dominante, marcando o resto do equipo de como facer as cousas, tanto a nivel defensivo como ofensivo”.
DATOS DE INTERESE
DÍA E HORA: 26 de xaneiro, ás 12.30 horas.
CAMPO: Wizink Center – Madrid.
ÁRBITROS: Israel Chacón Blazquez e Ángel Condor Benítez.
INCIDENCIAS: Partido correspondente a xornada 15 da Liga Feminina 2 no que enfrontará ao Movistar Estudiantes e o Celta Zorka Recalvi no Wizink Center.
