O CB Arxil quere seguir distanciándose da metade inferior da táboa tras a vitoria contra o Ulla Oil Rosalía. Este sábado, 14 de novembro, ás 18:30 horas terán unha nova oportunidade para sumar outros dous puntos, desta vez fronte ao Extremadura Miralvalle Plasencia. Esta será a primeira vez desta tempada que as pontevedresas saían de Galicia para disputar un partido, que forma parte da sétima xornada da Liga Feminina 2.
Despois de recuperar a cuarta xornada que non se pudo celebrar polo illamento das xogadoras do Rosalía, o Arxil conseguiu rematar cunha racha que lles facía acumular catro derrotas. Porén, a cercanía do encontro en Santiago coa viaxe a Plasencia fixo que as de Maite Méndez soamente puideran adicar o venres a preparar a seguinte cita.
A clave para o Arxil pasa por controlar o ritmo do xogo
O equipo de Pontevedra viaxa sen novidades, xa que Margarita Moreira xa se incorporou con normalidade no anterior encontro da semana. A adestradora, Maite Méndez, é consciente do vital de puntuar en cada duelo, xa que “cada partido pode ser o último que se xogue”. A situación sanitaria aínda é delicada, e a técnico considérase unha privilexiada por ter a oportunidade de seguir xogando a competición.
A primeira saída de Galicia que terá que facer o equipo non preocupa á técnica, que asegura que “o equipo está tranquilo e tratando de mellorar cada día”. Sen dúbida, a vitoria ante o Rosalía supuxo un respiro para o Arxil. En palabras de Méndez: “A vitoria devólvenos a alegría e a ilusión no que estamos facendo e que o equipo responde en situacións límites”.
Facendo un repaso dos encontros que xa xogaron esta tempada, a análise da adestradora é clara: “A clave está no ritmo de xogo que se imponga e no rebote, pero sobre todo na defensa”. O Arxil debe traballar este aspecto para non repetir erros como os cometidos contra a AD Cortegada.
O Miralvalle está triunfando no seu debut na categoría
O rival desta xornada será o Miralvalle, un equipo que debuta esta tempada na Liga Feminina 2 con motivo da ampliación da mesma. Os números acompañan ás cacereñas e xa ocupan a terceira posición, con nove puntos e seis partidos xogados.
A adestradora pontevedresa recoñece o bo xogo do Miralvalle e sinala que as claves do seu éxito se atopan no feito de que “ficharon moito e é un plantel de corta rotación. Destacan as súas xogadoras interiores, que son moi físicas. Ademais, utilizan unha alero que tamén é moi atlética e con boa mano, así como dous exteriores moi dinámicas”. En resumo, o seu xogo “é alegre”.
Raúl Pérez habla de cómo está el equipo y de su rival, CB Arxil@FJyD @dxtplasencia @DXTextremadura #corazónazulyblanco #LF2 #baloncestofemenino pic.twitter.com/vSG7MeEo4r
— C. P. Miralvalle (@CPMiralvalle) November 13, 2020
A escuadra local conta para o seu xogo interior con Princess Aghayere, que forma parte do top 4 de valoracións no grupo con dobres díxitos, tras as viguesas Maja Stamenkovic e Celia García Paunero. O encontro poderá seguirse como de costume no Canal FEB.