O Arxil fixo xa efectiva a inscrición do primeiro equipo na Liga Feminina 2. Os dirixentes do club pontevedrés tiñan trazada unha folla de ruta que pasaba por conseguir o aval financeiro e pagar con el a inscrición. Con estes pasos cúmprense os requisitos demandados pola Federación Española de Baloncesto para participar na liga o próximo curso.
O seguinte paso será avanzar na confección da plantilla para a devandita tempada na que son fixas Natalia e Noelia.
O reto do Arxil será, deste xeito, o de conformar un plantel versátil e de calidade pero primando o bloque destas últimas tempadas.