A primeira proba do Circuíto Galego Junior de Skate modalidade street dispútase este fin de semana no Northside SkatPark ubicado no concello coruñés de Arteixo.
Este sábado día 20 de marzo en horario de 15:00 a 20:00 horas terá lugar a primeira proba do Circuíto Galego Junior de Skate na modalidade Street. Acollerá a cita o recito de Northside Escuela de Arteixo (A Coruña).
A competición, segundo informa a Federación Galega de Patinaxe, dividirase nas categorías de: Iniciación, que terá condición de mixta, Junior, na que haberá masculina e feminina e Amateur, na que tamén haberá campionato masculino e feminino. Nesta competición, tal e como destaca a FGP, só poderán participar as persoas deportistas con ficha federativa.
