Chegou o momento. Os homes xa tiveron a súa oportunidade a principios do mes de febreiro. Ahora tócalles a elas. Este fin de semana, na sede do Perfumerías Avenida, albergarase a Copa da Raíña de baloncesto femenino. Un prato forte que a todo amante deste deporte gústalle disfrutar. O mellor, temos representación galega para a gran cita: o Durán Maquinaria Ensino pon rumbo hacia Salamanca. O seu rival, as anfitrioas, o Perfumerías Avenida, o xoves 5 de marzo, ás 20.30.
Despois das dúas derrotas colleitadas na Endesa, as lucenses teñen una nova oportunidade para reafirmarse ante un título que calquera equipo querría ter. Pero non é a primeira vez que conseguir esta neste certame. En 1998 e 2002 acadaron tamén o boleto. Desta vez non foi doado. En Bembibre, ante o Embutidos, deixáronse a pel para poder estar en Castela e León. Ademais viaxan con moita ilusión e cunha nova elástica para disputar os partidos.
https://twitter.com/EnsinoLugoCB/status/1235243115809775622
“A ilusión está moi presente entre nós. É unha honra disputar a Copa da Raíña e é un paréntesis nesta Liga tan igualada que queremos disfrutar e xogar. As miñas xogadoras están moi ilusionadas. Teñen moitas ganas de facelo ben, da festa da Copa e de disfrutar”, comentaba en rolda de prensa o adestrador do Durán Maquinaria Ensino, Carlos Cantero.
Volven a atoparse co Perfumerías Avenida, as anfitroas da Copa da Raíña
Nos mes de xaneiro, deuse a coñecer o sorteo con catro cabezas de serie do certame. O 14 dese mesmo mes as lucenses eran as primeiras en saber que era o seu rival: o Perfumerías Avenida. Ambos saben como xogan cada un. Tanto lucenses como salmantinas enfrontáronse xa nos dous partidos correspondentes a Liga Endesa. De momento, levan un marcador de 1-1. Esta será unha boa oportunidade para desempatar.
“Vai a ser un encontro moi diferente ao da ida. O podemos ver para certos puntos pero temos que ter en conta que elas tamén o van a mirar. Ademais desde a última xornada están centradas nestas datas posto que non tiveron competición europea esta semana”, comentaba Carlos Cantero sobre o Perfumerías Avenida.
O pasado mes de novembro, o conxunto da cidade amurallada impúxose por un 68 a 62 no Pazo Provincial. Na xornada nove, as xogadoras que máis destacaron das lucenses foron Britany Miller e Laura Aliaga. As cales anotaron 34 puntos dos totais.
Segundo Cantero, a rotación do Avenida é moito mais amplia ca súa: “Nós temos que mellorar cando saímos a pista. As que están no banco teñen que saír coa mesma garra cas que están na pista. E algo que nos costa moito sobre todo cos que están máis por riba”.
Na seguinte cita, as tornas cambiaron. As salmantinas, a pesar de venir de xogar competición europea e dun viaxe moi longo impuxéronse por un 80 a 50. Nesta ocasión, a máxima anotadora das galegas foi Bea Sánchez. Por parte das rivais, Karlie Samuelson e Tifanny Hayes endosaron 41 dos 80 puntos.
O segundo tempo foi o verdadero muro. O Perfumerías Avenida encarrilou a vitoria grazas ao parcial de 24 a 5 debido a actitude, a defensa e tamén ao bo xogo. “O que máis me preocupou foi o tema da concentración. Non quero que cheguemos a eses puntos. Debemos ter paciencia e superar os obstáculos”, dicía sobre o último encontro ante o Avenida, o técnico lucense.
É unha semana moi corta para o Ensino. Carlos Cantero aínda ten unha pequena duda. Unha das súas xogadoras, Bea Sánchez, tivo un pequeno problema no nocello e non saben se contarán con ela para a cita.
DATOS DE INTERESE
CUARTOS DE FINAL: Perfumerías Avenida vs. Durán Maquinaria Ensino.
DÍA E HORA: 5 de marzo, ás 20.30 horas.
CAMPO: Multiusos Sánchez Paraíso – Salamanca.
INCIDENCIAS: Partido correspondente aos cuartos de final da Copa da Raíña que se disputa entre o Perfumerías Avenida e o Durán Maquinaria Ensino no Multiosos Sánchez Paraíso en Salamanca. O certame xogarase do 5 ao 8 de marzo.
