Esta fin de semana comeza a Spanish Softball League (SSL), que é a nova denominación da Liga Española de Sóftbol de División de Honra. O CBS Cambre disputa a primeira xornada o domingo 28 ás 9:30 da mañá, e a continuación, (será xornada dobre) en Sant Boi de Llobregat contra do conxunto local, o CBS Sant Boi, contra o equipo local.
Na tarde de onte, venres 26 de marzo, as xogadoras do Club Béisbol Sóftbol Cambre realizaron os primeiros test serológicos, cun pleno de negativos, polo que a entidade non ten baixas por mor da COVID-19 para acometer a primeira xornada da máxima categoría do softball estatal.
As xogadoras de Cambre chegan a esta tempada 2021 despois dun ano de parón, xa que decidiron non competir en 2020 por mor da pandemia. Os obxectivos grupais do equipo cambrés este ano pasan por loitar por unha praza na Copa da Raíña.
Dez equipos conforman a liga de Sóftbol SSL
A Spanish Softball League está integrada este curso 2021 polos seguintes dez equipos:
- CB Viladecans Sercotel
- CBS Antorcha Sófbol
- CBS Cambre
- CBS Capitalinos GC
- CBS Miralbueno Sóftbol
- CBS Rivas Sóftbol
- CBS Sant Boi
- CS Fènix València
- Dridma Rivas CdD
- OBB Bizkorrak e Project Gavà
A retransmisión en streaming dos partidos pódese seguir desde a páxina oficial da SSL.
