- A Liga Galega de fútbol gaélico comeza esta fin de semana, concretamente a partir do 4 de outubro.
- Na categoría feminina increméntase o número de equipos que compiten na Liga con respecto á tempada 2024-25 ao incorporarse o filial do Fillas de Breogán e o Lorchas, que participara xa na Copa en Ribeira o pasado curso pero que se estrea na competición da regularidade
A tempada 2025-26 de Liga Galega de fútbol gaélico comeza a vindeira fin de semana (desde o sábado 4 de outubro) tanto na competición feminina como na masculina, coa organización da Asociación Galega de Fútbol Gaélico (AGFG). A competición pode seguirse a través das redes da AGFG e na web gaelicogalego.gal.
Aumenta o número de equipos na competición feminina e mantense na masculina. No caso de Compostela e Vigo, os clubs chegan a ter incluso filiais na competición masculina (Estrela Gaels e Keltoi Estibadores) e no caso de Coruña acontece o mesmo na feminina co Ártabras, o cal dá conta do aumento de futbolistas que optan polo gaélico.
A Liga galega de fútbol gáelico masculina conta coa participación dose seguintes nove equipos:
- Auriense – Ourense
- Estrela Vermelha – Compostela
- Estrela Gaels (filial Estrela Vermelha) – Compostela
- Fillos de Breogán – A Coruña
- Keltoi – Vigo
- Keltoi Estibadores (filial Keltoi) – Vigo
- Lorchos – Boiro
- Lume de Beltane – Poio
- Turonia – Gondomar
Repiten os mesmos nove equipos que competiron o curso anterior.
No caso da competición feminina os conxuntos participantes na competición ligueira son neste curso 2025-26 son dous máis sendo a relación a seguinte:
- Auriense – Ourense
- Estrela Vermelha – Compostela
- Fillas de Breogán – A Coruña
- Ártabras (filial Fillas de Breogán) – A Coruña
- Grovias – A Guarda
- Lavandeiras de San Simón – Vigo
- Lorchas – Boiro
- Turonia – Gondomar
1. Auriense, campión feminino da Copa Galega de fútbol gaélico / AGFG
Auriense, campión feminino da Copa Galega de fútbol gaélico / AGFG
2. Turonia GFG de Gondomar, subcampioas da Península Ibérica de Fútbol Gaélico / TURONIA GFG
Turonia GFG de Gondomar, subcampioas da Península Ibérica de Fútbol Gaélico / TURONIA GFG
3. Auriense Campus da Auga FG vs Fillas de Breogán / ASOCIACIÓN GALEGA DE FÚTBOL GAÉLICO
Auriense Campus da Auga FG vs Fillas de Breogán / ASOCIACIÓN GALEGA DE FÚTBOL GAÉLICO
4. Auriense vs Estrela Vermelha / Rebeca Troitiña Durán
Auriense vs Estrela Vermelha / Rebeca Troitiña Durán
Súmanse dous equipos con respecto á tempada 2024-25: o filial do Fillas de Breogán e o Lorchas que participara xa na Copa en Ribeira o pasado curso pero que se estrea na competición de Liga.
O sistema de competición na Liga Galega de fútbol mantén o formato do curso 2024-25. No caso da Liga galega feminina de fútbol gálico dispútase todos contra todos con ida e volta estándar.
A liga galega masculina de fútbol gaélico terá dúas fases
O sistema de competición na Liga Galega de fútbol gaélico masculina contará con 2 roldas:
- 1.ª Rolda: Todos contra todos a 1 volta.
- 2.º Rolda: 2 grupos con ida e volta.
Unha vez finalizada a primeira rolda da competición confórmanse 2 grupos. Os catro mellores forman un grupo que aspira ao título de Liga 2025-26. Os outros cinco loitarán polo título shield. Nesa etapa da competición xa se compite nunha liga regular de todos contra todos a dobre volta. Dunha rolda á seguinte non se arrastran puntos. Todos os equipos parten coas mesmas opcións. A primeira fase é, polo tanto, un clasificatorio para a segunda.
A clasificación na primeira rolda será a que marque a participación nas finais Ibéricas de maio, unha competición na que poderán participar os dous mellores equipos nese momento.
Unicamente a provincia de Lugo carece neste momento de representantes la liga. Desde a Asociación Galega de Fútbol Gaélico (AGFG) confían en que o traballo que se está a realizar coas Gaélico Escolas tamén nesta provincia dea froitos en forma de equipos que se vaian sumando segundo a rapazada vaia medrando. Nesta liña de traballo, valórase que o Lugh, que non ten sección senior aínda, si poida competir en torneos puntuais cos seus cadetes, como xa fixeron na Copa en Ribeira.
Calendarios de competición
Os calendarios definitivos da liga galega feminina e masculina xa están publicados na web da Asociación Galega de Fútbol Gaélico (AGFG). Están accesibles nas seguintes ligazóns:
- LIGA FEMININA https://gaelicogalego.gal/competicions/2025-26/liga-feminina
- LIGA MASCULINA https://gaelicogalego.gal/competicions/2025-26/liga-masculina
A primeira xornada da Liga de fútbol gaélico terá os seguintes enfrontamentos horarios e ubicacións:
Masculina
- Keltoi vs Auriense – Sábado 10:30 – ETEA (Vigo)
- Keltoi Estibadores vs Lume de Beltane – Sábado 12:15 – ETEA (Vigo)
- Lorchos vs Fillos de Breogán – Domingo 16:10 – Vista Alegre (Boiro)
- Estrela Vermelha vs Turonia – Domingo 19:00 – Chaián (Trazo)
Feminina
- Estrela Vermelha vs Turonia – Sábado 9:30 – O Forte (Boqueixón)
- Grovias vs Lavandeiras – Sábado 13:00 – A Sangriña (A Guarda)
- Lorchas vs Fillas de Breogán – Domingo 17:30 – Vista Alegre (Boiro)
Ver esta publicación en Instagram
Que é a AGFG?
A Asociación Galega de Fútbol Gaélico (AGFG) é o organismo regulador oficial do fútbol gaélico en Galicia, dende a súa aprobación oficial na convención Europea dos deportes gaélicos en decembro de 2013, o cal garántelle de carácter oficial internacional recoñecido polo máximo órgano, a Gaelic Athletic Asociation (GAA).
Boa parte das actividades da AGFG intégranse dentro da RFGF (Real Federación Galega de Fútbol).
PuntoGal é un dos patrocinadores da Asociación Galega de Fútbol Gaélico (AGFG) que ademais emprega na súa web o dominio www.gaelicogalego.gal.
Ver esta publicación en Instagram
