Todo está listo para que mañá, día de Reis, arrinque a Copa Princesa de voleibol no Pavillón Polideportivo do Barrio das Flores do Concello da Coruña. A cita rematará o domingo 8 de xaneiro.
Ademais do Autos Cancela CV Zalaeta, único representante galego nesta cita copeira, competirán nesta 16ª edición do torneo os seguintes equipos: MCR Premià de Dalt, Melilla Sport Capital, o Club Voleibol Barcelona, Cartagena Algar e Extremadura Arroyo.
O equipo arbitral que dirixirá os partidos nesta Copa Princesa está conformado por: Marcos Folgar Fraga, Veronique García Castells, Isabel González Fuentefría e Jesús A. Soria Ibazeta.
Acceden á Copa Princesa os seis mellores conxuntos da Superliga Feminina 2 de voleibol, ademais do Autos Cancela CV Zalaeta, que exerce de anfitrión
A competición arrinca o día de Reis coa fase de grupos que ten os seguintes cruces:
- 10:00 h MCR PRemiá de Dalt vs Melilla Sport Capital.
- 12:00 h CV Barça vs FC Cartagena Algar Surmenor.
- 18:00 h Extremadura Arroyo vs MCR PRemiá de Dalt.
- 20:00 h Autos Cancela CV Zalaeta vs FC Cartagena Algar Surmenor.
🏐 Anotade os horarios desta fin de semana, cargadiña de #voleibol no 📍 Barrio das Flores!
📅 Mañá, venres 6 de xaneiro terán lugar os primeiros encontros da fase de grupos da XVI 🏆 COPA PRINCESA :
Chío 1/2 pic.twitter.com/fVEarWIsa7
— A Coruña Deportes (@coruna_deportes) January 5, 2023
Na xornada matinal do sábado terán lugar ás 11:00h os dous últimos encontros pendentes para finalizar a fase de grupos de Copa Princesa. Barça CVB e Autos Cancela CV Zalaeta, do grupo A, pelexarán por estar nas semifinais que se disputarán esa mesma tarde. Por parte do grupo B, haberá que esperar ao resultado do choque entre CV Melilla e Extremadura Arroyo, para deixar definidos o nome dos catro semifinalistas do torneo do KO na categoría prata do voleibol nacional.
Os dous mellores conxuntos de cada grupo serán os clasificados para as semifinais, que se disputarán na tarde do sábado para dar paso a unha última xornada. O domingo 8 de xaneiro, a loita polo terceiro e cuarto posto se xogará ás 10:00h e a gran final ás 12:00h.
O obxectivo dos seis equipos participantes será suceder no palmarés a CV Gran Canaria, vencedor das dúas últimas edicións disputadas no Centro Insular de Deportes de Las Palmas de Gran Canaria.
Así ven a competición os equipos participantes na Copa Princesa:
Os partidos de Copa Princesa se retrasnmitirán a través da canle de Youtube do equipo organizador, en neste caso a do Autos Cancela CV Zalaeta.
