Esta fin de semana terá lugar o LXIV Campionato de España de Natación en Piscina de 25 metros. A cita durará ate o domingo 22 e contará con representación galega. A competición será en formato contrareloxio.
A competición levarase a cabo en Castellón organizada pola RFEN e a Federación Valenciana. Nesta ocasión, e debido á situación provocada pola pandemia, o evento celébrase con criterio de ránking a nivel nacional, en lugar de mínimas.
Entre as nadadoras galegas que estarán competindo destaca Bea Gómez Cortés que tomará parte defendo as cores do CN Santa Olaya de Asturias. Tamén estarán Alba Gómez, do CN Arteixo, Rosalía Marín Martínez, do CN Coruña, e Antía García do CN Galaico.
No caso da pontevedresa Bea Gómez Cortés, competirá co CN Santa Olaya nas distancias de 800m libres, e formará parte do equipo de relevos de 4x50m libres, 4×50 estilos, e os 4x200m libres do CN Santa Olaya. Xunto coa galega nadarán as postas Laura Lorenzo, Helena Robla e Aroa Silva.
Rosalía Marín Martínez, do CN Coruña, figura na lista de nadadoras nos 100m estilos, mentres que Antía García, do CN Galaico, nadará os 50m bolboreta. No caso de Alba Gómez, do CN Arteixo, está inscrita no 200m estilos, e tamén nadará os 50, 100, 200, 400 libres.
Son dúbida, aínda que están inscritas as nadadoras galegas Paula Otero do CN Arteixo, Carla Carrón Muíña do CN Arzúa e María de Valdés, do CN Liceo.
O Campionato estatal de natación poderá seguirse por streaming
A cita deportiva conta cun estricto protocolo de prevención da transmisión da COVID-19 e non contará con público asistente no recinto deportivo. Por ese motivo, e para garantir “a máxima de ‘Evento seguro’, vaise emitir integramente en directo cos estándares de calidade da RFEN desde a súa plataforma de DailymotionRFEN e tamén desde LaLigaSportsTV, con narración de Pau Vituri (Suport Films) e comentarios técnicos da ex nadadora Natalia Torné”, segundo informa a Real Federación Española de Natación na súa web.
