O HC Deportivo Liceo deu comezo a súa pretempada con caras novas. O equipo dirixido polo técnico galego Carlos Loureiro comeza onte, luns 16 de agosto, os seus adestramentos de pretempada. En total hai seis caras novas, dúas delas as das irmás Lucía e Lara Yáñez que chegan procedentes do HC Borbolla. A volta á que foi a súa casa da internacional María Sanjurjo é un dos grandes reforzos do bloque.
✅ ¡María Sanjurjo regresa ó #DeportivoLiceo!
➡️ A coruñesa volve a casa e convértese na terceira fichaxe do equipo tras Alba Garrote e Adriana Soto. ¡Benvida de novo, @msanjurjo_9!
🔗 https://t.co/Skl5HL3CdR pic.twitter.com/nBwLf3nufg
— Hockey Club Liceo Feminino (@HCLiceoFem) June 22, 2021
Coas datas oficiais da competición aínda por coñecer, a primeira proba confirmada será o día 28 contra o Sporting de Portugal, xustamente o mesmo día do choque de presentación do conxunto masculino no Pazo dos Deportes de Riazor.
O grupo do HC Deportivo Liceo para a campaña 2021-22 queda composto polas seguintes xogadoras:
CONTINÚAN DO PASADO CURSO, RENOVAN CO HC DEPORTIVO LICEO:
- Katy Guscin
- Luchy Paz
- Naiara Vaamonde
- Alejandra Martín
- Cristina Diz
- Isabel Barros
- Andrea Ojeda
- Beatriz Gaete
✅ ¡Veronica Caretta reforza a portería do #DeportivoLiceo!
➡️ A internacional italiana súmase ás incorporacións de Alba Garrote, Adriana Soto e María Sanjurjo.
📸 @HockeyVali pic.twitter.com/rDAxRdqmDP
— Hockey Club Liceo Feminino (@HCLiceoFem) June 26, 2021
AS CINCO CARAS NOVAS, AS FICHAXES LICEÍSTAS:
- Adriana Soto
- María Sanjurjo
- Viki Caretta (porteira)
- Alba Garrote
- Lara Yáñez
- Lucía Yáñez
As irmás Lara Yáñez e Lucía Yáñez chegan procedentes do HC Borbolla, outro equipo de hoquei sobre patíns da cidade coruñesa que militaba na elite até o pasado ano pero que perdía a categoría o pasado curso 2020-21.
