Arousana e Victoria CF viviron un gran encontro no Municipal de Vilaxoán na que a fortuna estivo do lado das cebras. As de Moncho, mereceron máis pero un gol de Ceti no minuto 94 deixou as amarelas de baleiro no seu feudo. O Umia correu a mesma sorte que o Arousana. As de Tino Buján xogaban no seu campo, o Municipal de Bouza e fixeron un bo partido pero caeron tras encaixar un gol no 89, obra de Lallende. Un xarro de auga fría para amarellas e vermellas.
O Arousana perde o derbi no 94
O derbi comezaba cunha primeira parte moi pechada e sen case ocasións para os dous equipos. Ambos equipos medíronse moito as forzas e primou máis o medo a non encaixar. Durante o primeiros 45 minutos foron frecuentes as imprecisións e falta de profundidade debido aos poucos espazos que había no verde para poder xerar ocasión de perigo.
Moncho, adestrador do Arousana: “Na primeira parte comezamos ben pero nos fumos diluindo co paso dos minutos. Na segunda parte fixémos uns cambios tácticos e melloramos moito”.
Tras o tempo de lecer, Moncho moveu ficha e fixo uns cambios tácticos que revolucionaron o partido e chegaron as ocasións para as locais. O adestrador galego introduxo dúas dianteiras e produciu o desconcerto na zaga das cebras.
Toño, adestrador do Victoria CF: “Elas saíron mellor na segunda parte e nós tivemos que facer un axuste para contrarrestar o seu ataque, con dúas dianteiras. O xogo directo delas fíxonos bastante dano”.
O cambio de dibuxo trouxo tres ocasións moi claras para as locais. A primeira tras un remate de Miriam ao longueiro despois dun centro de Bárbara. Ao pouco, chegaría un remate moi franco de Rame que foíselle alto, por riba lo longueiro coa porteira batida. Para pechar a dinámica ofensiva as amarelas tiveron a posibilidade de subir un tanto tras un tiro cruzado de Miri que foise por moi pouco. A falta de efectividade volveu a penalizar ás de Moncho.
Moncho, adestrador do Arousana: “Creo que nas últimas xornadas estamos conseguindo o obxectivo de minorizar os ataques dos rivais. Derrota dura pero que temos que aceptar para seguir traballando”.
Cando o partido parecía que ía a rematar en táboas, chegaría o gol de Ceti no minuto 94 tras un golpeo dun balón morto na área. Un golpe moi duro para as de Vilagarcía. Ambos adestradores valoraron o inxusto do resultado ao remate do encontro.
Toño, adestrador do Victoria CF: “A derrota delas foi bastante inxusta, o máis xusto eu creo que fose un empate ou mesmo que gañasen elas. Non adoitamos ter a sorte de gañar sen merecelo pero mellor corrixir e mellorar desde a vitoria”.
Moncho, adestrador do Arousana: “Creo que foi unha derrota moi inxusta, de feito os adestradores do Victoria dixéronolom ao remate do encontro. Aproveito para felicitar o seu comportamento tan deportivo”.
Moncho, adestrador do Arousana: “Creo que nas últimas xornadas estamos conseguindo o obxectivo de minorizar os ataques dos rivais. Derrota dura pero que temos que aceptar para seguir traballando”.
As malas novas non quedaron no resultado para o Atlético Arousana, e Irene tivo que retirarse do encontro por unha lesión do menisco. A galega segue pendiente de evolución para valorar a gravidade da lesión. “Quero desearlle moita sorte e moito ánimo”, comentaba Moncho sobre a lesión da súa xogadora.
Moncho, adestrador do Arousana: “Gustaríame destacar o traballo e orgullo que están a demostrar a nosas xogadoras nestes últimos partidos. Outras xogadoras nesta situación tirarían a toalla pero vexo a este equipo no mellor momento, estannos a faltar sorte para que o traballo e esforzo se transformen en puntos.
Un gol no último minuto castiga en exceso ao Umia
Partido moi disputado na Bouza entre o Umia e o Oviedo Moderno B. As galegas estiveron máis cómodas durante a primeira parte, dominando e levando por intres o peso do encontro pero un gol no minuto 89 de Lallende castigou en exceso ás de Tino Buján. Ao final 0-1 e os tres puntos viaxan cara Oviedo.
No Municipal da Bouza púdose presenciar un encontro onde faltou o gol como consecuencia das escasas ocasións das que careceron ambos os equipos. A primeira ocasión das locais non chegou ata o minuto 25 onde Eva dun disparo desde o borde da área foise por riba do traveseiro. A primeira do equipo visitante chegaría no minuto 34 nun remate de cabeza de Beira tras un centro lateral que se foi fóra por moi pouco. Cando se achegaba o descanso Lida tivo outra, pero o remate foise fóra.
Tino Buján, adestrador do Umia: “Na primeira parte estivemos ben, dominando o partido. pero na segunda metade custounos máis. Elas son un gran equipo, moi fortes e intensas. Fisicamente foron moi superiores e cando nós non tivemos o balón sufrimos moito”.
Tras o tempo de lecer, o partido continuou polos mesmo derroteiros onde os dous equipos tentaban chegar a portería contraria, pero con poucas ocasións claras en ambas as porterías. Preto do minuto 49 a capitá galega tivo unha clara nunha boa parede con Eva pero cortou ben a defensa oventese. E xa no minuto 52, un pase de Miriam deixou soa a Eva diante de Sara García que cunha boa definición batía a gardamllas pero foi anulado por fóra de xogo.
Tino Buján, adestrador do Umia: “O gol no último minuto dous deixa tocadas pero temos que quedarnos coas sensacións boas e darnos conta que esta Liga é moi competitiva”.
Transcurría o minuto 64 cando tras unha perdida no medio campo, foi aproveitada pola dianteira do Oviedo Moderno que se plantou diante de Patricia que na saída cometeu penalti. O erro foi enmendado xa que a gardamallas fixo unha gran intervención e salvou ao equipo galego do que podía ser o 0 a 1 no marcador. A raiz do penalti paradao, o Umia meteuse moi atrás e custáballe saír de campo propio. Feito que aproveitaron as visitantes para apertar e buscar o gol que lles dese a vitoria.
Cando morría o partido e parecía que non se ía a mover o marcador, no minuto 89 vén a xogada desafortunada. A súa xogadora máis perigosa, Lallende buscaba un centro que se foi envenenando e acabou en gol cando Patricia pensaba que se ía a fóra.. Xarro de auga fría, para as de Bujánque non mereceron este resultado cando o xusto sería un empate no marcador.
