A sexta edición da Copa Deputación de Pontevedra en categoría feminina gozará dun gran derbi durante o vindeiro sábado. O Atlético Arousana recibe ao Viajes Interrías en no Municipal de Vilaxoán ás 16:00. En total, de toda a provincia foron 17 os clubs que se inscribiron para loitar por levantar este trofeo, que actualmente está en mans do equipo vigués C.D. Valladares.
A Deputación de Pontevedra fixo público esta semana os emparellamentos, que enfrontarán ao Arcadia E. F. co Umia C. F., que na previa derrotou por 6-1 ao Marín C. F. O Atlético Arousana enfrontarase co colíder da Primeira Nacional, o Interrías. Tamén na fase previa, o equipo de Vilagarcía impúxose por 16-1 ao C.D. Bamio, mentres que as de Villalonga fixeron o propio fronte ao S.D. Noalla por 12-0.
O adestrador do Viajes Interrías quere que o seu conxunto faga unha boa labor na competición copeira e comentou que “temos como obxectivo competir o mellor posible neste torneo. Sairemos coa mellor actitude e queremos reafirmar cun bo resultado o gran nivel de xogo”.
Luis Treviño, adestrador do Viajes Interrías: “Temos como obxectivo competir o mellor posible neste torneo. Sairemos coa mellor actitude e queremos reafirmar cun bo resultado o gran nivel de xogo”.
O mister galego confía en que o derbi de mañá sexa un gran partido e unha festa do fútbol pontevedrés: “Seguimos a ausencia de Morais de Beli na portaría, pero as xogadoras queren volver recuperar a pegada da primeira volta. Esperemos que mañá se vexa un gran partido no derbi”.
Luis Treviño, adestrador do Viajes Interrías: “Seguimos a ausencia de Morais de Beli na portaría, pero as xogadoras queren volver recuperar a pegada da primeira volta. Esperemos que mañá se vexa un gran partido no derbi”.
O adestrador do Atlético Arousana, Moncho destacou a importancia do partido copeiro a pesar de que a prioridade para as arousás é a Liga. “Afrontamos a Copa Deputación con toda a ilusión do mundo. A prioridade son os partidos de Liga pero o partido de mañá e moi atractivo fronte a un dos mellores rivais da Primeira Nacional”.
Moncho, adestrador do Atlético Arousana: “Afrontamos a Copa Deputación con toda a ilusión do mundo. A prioridade son os partidos de Liga pero o partido de mañá e moi atractivo fronte a un dos mellores rivais da Primeira Nacional”.
O técnico das amarelas falou sobre a ilusión e sobre as rotacións que fará para o partido de Copa: “Fainos ilusión esta Copa e queremos facer un bo papel. Haberá algunha rotación pero saldrá un equipo moi competitivo. Imos con todo para tentar pasar de rolda”.
Moncho, adestrador do Atlético Arousana: “Fainos ilusión esta Copa e queremos facer un bo papel. Haberá algunha rotación pero saldrá un equipo moi competitivo. Imos con todo para tentar pasar de rolda”.
O Arousana afronta o partido coas baixas confirmadas de Almudena e Laura e contará coas dúbidas de Arufe por molestias e Coira xa que atravesa un proceso gripal. Irá convocada a perla do filial, Adriana que está a entrar nos planes do corpo técnico con moita asiduidade.
Enfrontamentos da zona su da provincia
No referente á zona sur da provincia, son 10 os equipos que loitarán por chegar ata a final. Na primeira rolda o EDVM Pereiró xogará ante o Balaídos C. F. O vixente campión, o C.D. Valladares xogará contra o gañador do Sárdoma C. F.– S. P. C. San Mateo. O Vilariño ante o Gondomar e o Atlético Matamá ante o gañador do Tomiño F. C.- C. P. Alertanavia.
O formato de competición será o mesmo das últimas edicións, xogándose todas as eliminatorias a único partido, que se disputará no campo do equipo de menor categoría. Ademais, os empates resolveranse cunha quenda de penaltis. A final xogarase a finais de maio nunha sede que aínda está por determinar.
