Non foi un bo domingo para Dépor B e Atlético Arousana. Ambos conxuntos galegos caeron nos seus respectivos duelos. As pupilas de Kevin Cabado caeron por 3-1 no Manuel Díaz Vega, ante o Oviedo Moderno B. O Arousana tampouco puido sacar un resultado positivo do Campo de San Juan e caeu 6-0 ante o Monte.
Dura derrota antes do parón
O Atlético Arousana presentábase na mañá deste domingo nun dos campos máis complicados da categoría. As galegas, dirixidas pola dupla Moncho e Nando, saíron aos Campos de San Juan cun plantexamento conservador para minimizar erros e poder aproveitar os espazos á contra.
Cando transcurría o ecuador da primeira metade, Carmen faría o primeiro do partido tras un lanzamento de córner e poñía custa arriba o partido para as amarelas. Ainda así, as pupilas de Moncho non perderon a cara ao partido e tentaron buscar o empate, sen sorte. Con 1-0 no marcador chegaríase ao tempo de lecer.
Nando, segundo adestrador do Atlético Arousana: “A primeira parte defendimos bastante ben. O campo non é moi grande e tapamos ben os espazos. O segundo gol, outra vez de córner, xa tirou por terra todo o partido”.
Tras a reanudación, chegaría o pesadelo para o Arousana. O balón parado fixo anacos as esperanzas para as galegas. O segundo gol chegaría moi cedo, outra vez de córner por medio de Mar e 10 minutos despois, no 55′ Carmen faría o segundo na súa conta particular desde unha falta á frontal do área. Con 3-0 o partido xa estaba sentenciado e pouco puideron facer as de Vilagarcía.
Nando, segundo adestrador do Atlético Arousana: “É un rival moi pontente que está pelexando polo título. O noso plantexamento foi conservador para evitar non cometer moitos erros e facer dano ás contras. O balón parado tirou por terra todo o plantexado”.
Ao final 6-0, ante o segundo clasificado e nun campo moi díficil de puntar. As galegas afrontan o parón como pechacancelas e esperan recuperar sensacións na vindeira xornada ante o Gijón Fútbol.
O Dépor cae do podio
O Dépor B perdeu por 3-1 no Manuel Díaz Vega e segue se poder puntuar de tres. As deportivistas suman, con este partido, tres partido seguidos sen gañar (dous empates e unha derrota). Os males non chegaron sós xa que debido a esta derrota, as de Kevin Cabado caeron ao quinto posto. Superadas polo propio conxunto astur e máis o Victoria FC, que tras o seu empate no campo do Oceja, deixa as compostelás como terceiras clasificadas empatadas a puntos co Oviedo Moderno B.
O partido comenzaba ben para o filial deportivista cun gol no minuto 8′ de Nuria. Tal e como pasou a xornada pasada contra o Interrías, as herculinas volvían a poñerse por diante moi cedo. Lonxe de sen un reforzo, o gol non serviu para sacar un resultado positivo de Asturias e o dobrete de Noelia Díaz sumando ao gol de Jennifer preto do final, deixaba as de Cabado como quintas clasificadas e fora do podio da Primeira Nacional.
As galegas quererán recuperar sensacións tras o parón, no derbi en Abegondo fronte o Victoria CF.
