Xa hai un campión de inverno na Superliga 2. O Arenal Emevé ven de rematar aa primeira volta da competición ligueira no máis alto da táboa logo de se impór o RGC Covandonga por 3-1. Pola contra, o Autos Cancela Zalaeta perde na casa ante o REDPISO Torrejón.
O Arenal Emevé proclámase campión de inverno
O líder en solitario da Superliga 2 de voleibol é o Arenal Emevé. Súmenlle o feito de que rematamos a primeira volta e xa teñen campión de inverno lucense. Foi precisamente o pavillón municipal de Lugo o recinto deportivo que acollía o seu choque desta semana. O rival, o RDG Covandonga, non superou o bo xogo das luguesas que venceron por 3 sets a 1.
As asturianas non puideron sumar a súa terceira vitoria consecutiva. A pesar de mostrar o seu bo xogo e igualando o primeiro set vencido polo Arenal Emevé. O RDG Covadonga sostivo o choque con tres bolas para forzar o desempate. Mais as pupilas de José Valle estiveron moi acertadas. Isto permitiulles conquistar tres puntos neste encontro, sen disputar os cinco sets.
FICHA
Sets: 25-19, 21-25, 25-14, 30-28
O Autos Cancela Zalaeta leva xa dúas derrotas consecutivas
O REDPISO Torrejón saíu vitorioso da súa visita A Coruña. A súa vítima, o Autos Cancela Zalaeta. As madrileñas gañaron por 1-3 ás herculinas que, con este partido, acumulan xa dúas derrotas consecutivas.
Os dous primeiros parciais repartíronse entre visitantes e locais. No primeiro saíu gañador o REDPISO Torrejón. Mentres que o segundo daba esperanzas ás de Jorge Barrero que igualaban o partido con un 25-13 no parcial do set. De pouco lle servíu ao Autos Cancela Zalaeta esta diferencia de puntos, dado que rematou por perder os dous seguintes sets. A aportación colectiva do plantel de Óscar Martín fixo que a victoria caese do lado visitante.
FICHA
Sets: 22-25, 25-13, 21-25, 22-25
Na vindeira semana ningún dos equipos galegos moverase de Galicia. Ambos xogan entre eles. Polo que viviremos o derbi galego da Superliga 2. O Arenal Emevé viaxará ata o Polideportivo do Barrio das Flores. As locais, o Autos Cancela Zalaeta, será o seu rival (sábado 21 de decembro, ás 19.00 horas).
