As árbitras e asistentes galegas de 1ª División Feminina superaron o pasado sábado as probas físicas de inicio da tempada 2020-2021 celebradas no campo de fútbol de Santa Isabel, en Santiago de Compostela. O CTA da Real Federación Española de Fútbol decidiu por motivos sanitarios que os distintos comités territoriais realizaran estes controis.
Asistiron as colexiadas de 1ª División Feminina Zulema González González, Elena Casal Fernández, Beatriz Cuesta Arribas e Eugenia Gil Soriano, ademais das asistentes Tania Fente Pena, Lorena Novás Benavides e Iria Rosendo González.
Os controis físicos no caso dos árbitros e das árbitras consistiu nunha proba de 6 sprints repetidos de 40 metros e a proba de resistencia SDS, mentres que no caso dos árbitros e das árbitras asistentes consistiu na proba de 5 sprints repetidos de 30 metros e a proba de resistencia ARIET. As asistentes de 1ª División realizaron ademais a proba de axilidade CODA.
O presidente do CTGAF, Bernardino González, acompañou aos representantes galegos durante os controis físicos, que superaron demostrando un alto nivel.
Os árbitros de ambas categorías, masculina e feminina, remataron este domingo o seminario online de inicio da tempada 2020-2021 que desde o venres organiza o CTA Nacional para a preparación e posta a punto dos árbitros de cara ao inminente comezo das competicións. O seminario contou tamén coa participación dos asesores de 2ª División B, nos que o CTGAF conta cos galegos Roberto González Martínez, Óscar López Rodríguez, Juan Manuel Rey López, Manuel Vidal Araújo, Jesús Bastos Martínez, Joaquín Baltasar González, Rubén Domínguez Graña e Óscar Sánchez Yáñez.
