As árbitras e árbitras asistentes galegas das dúas máximas categorías estatais de fútbol feminino pasaron as probas físicas previas ao comezo das competicións. Os tests, organizados polo Comité Técnico de Árbitros da Real Federación Española de Fútbol, celebráronse na Cidade do Fútbol de Las Rozas. Sabes que probas superan as colexiadas para ser consideradas aptas?
Segundo informa a RFGF, en primeiro lugar pasaron as probas de velocidade con 6 series de 40 metros en menos de 6″ e posteriormente a de resistencia chamada SDS, con 3 bloques de 5 repeticións de 60 metros.
Pola súa banda, as árbitras asistentes superaron a proba de velocidade, 5 series de 30 metros en menos de 4,9″, a de resistencia chamada ARIET e o CODA en menos de 9,8 segundos.
As árbitras galegas que dirixirán partidos nesta tempada 2022-23 son as seguintes repartidas nas dúas máximas categorías:
Primera Federación Futfem
Segunda Federación Futfem
- Selina Álvarez Blanco
- Elena Casal Fernández
Serán árbitras asistentes en Primeira e Segunda Federación as colexiadas galegas:
Primera Federación Futfem
- Lorena Novás Benavides
- Iria Rosendo González
Segunda Federación Futfem
- Iris Romero Cancelas
- María Isabel Serrano García
Segundo informa a RFGF, a asistente de Primera Federación Futfem Tania Fente Pena non asistiu á xornada nas Rozas.
