- Concello da Coruña e Agalure van da man nunha acción de concienciación sobre o xogo na mocidade que ten por lema “Aposta pola parte boa do deporte”.
- A concelleira de Benestar Social, Igualdade e Participación, Yoya Neira, apuntou na presentación desta campaña “importancia de traballar neste tipo de iniciativas nunha vertente positiva e con referentes reais para as e os xoves” e destacou “o compromiso do Goberno local na loita para combater todo tipo de adicións entre a mocidade”.
O Concello da Coruña, a través da Área de Benestar Social e Participación, en colaboración coa Asociación Agalure, vén de lanzar á opinión pública a campaña “Aposta pola parte boa do deporte”. Esta acción de sensibilización busca aumentar a concienciación sobre un problema cada vez máis grave entre a mocidade española como é a adición ao xogo.
O pazo de María Pita na Coruña acolleu esta mañá (mércores 13/1/21) a presentación desta iniciativa. No acto participaron a concelleira de Benestar Social, Igualdade e Participación do Concello da Coruña, Yoya Neira, o presidente de Agalure, Francisco Gil.
Yoya Neira apuntou a “importancia de traballar neste tipo de iniciativas nunha vertente positiva e con referentes reais para as e os xoves” e destacou “o compromiso do Goberno local na loita para combater todo tipo de adicións entre a mocidade”.
A concelleira manifestou que se trata dunha “campaña de sensibilización en que as e os protagonistas son seis xoves deportistas da cidade, de entre 17 e 19 anos, que nos amosan que do deporte debemos quedarnos coa parte positiva, a diversión, a práctica deportiva, o compañeirismo, e que as apostas nunca son un xogo”.
Yoya Neira, concelleira de Benestar Social, Igualdade e Participación do Concello da Coruña: “Os protagonistas son seis xoves deportistas da cidade da Coruña, con idades comprendidas de entre os 17 e os 19 anos, que nos amosan que do deporte debemos quedarnos coa parte positiva, a diversión, a práctica deportiva, o compañeirismo, e que as apostas nunca son un xogo”
Ademais, a campaña responde aos formatos de vídeo que utiliza a mocidade hoxe en día, como son as historias de Instagram e os vídeos de Tik Tok.
Como indicaba a concelleira Yoya Neira, na campaña participan media ducia de deportistas coruñesas entre deles están a futbolista do Viaxes Amarelle FSF, Sofía Rodríguez Lago, a xogadora do Victoria F.C., Zaida Taboas Vermúdez, e o deportista do Club Deportivo Calasanz, Sergio Padín Rey.
O presidente da Asociación Agalure (Asociación Gallega de Ludópatas Rehabilitados) apuntou que as cifras en España son preocupantes, “contamos coa taxa máis alta de Europa de ludópatas entre 14 e 21 anos”.
Pola súa banda, a concelleira Yoya Neira matizou que “os datos poden ser máis preocupantes aínda se temos en conta a dificultade de cuantificar a dependencia do xogo en menores de idade porque precisamente non poden xogar de xeito legal”.
Francisco Gil, presidente de AGALURE (Asociación Galega de Ludópatas Rehabilitados), advertía con preocupación: “En España contamos coa taxa máis alta de Europa de ludópatas entre 14 e 21 anos”.
A titular de Benestar Social no Concello da Coruña, Yoya Neira, concluíu agradencendo a súa presencia aos protagonistas da campaña e a Agalure “por esta idea e pola súa incansable labor na que saben que contarán sempre co apoio do Concello da Coruña”.