Este fin de semana, a División de Honra Prata, acolle o duelo galego entre o CdeC Lavadores e o SAR Rodavigo (o sábado 8 de febreiro, ás 20.00 horas). O lugar da cita será o pavillón municipal de Lavadores.
Ambos equipos só os diferenza dous puntos na táboa. As locais con oitavas e veñen de perder por tan só un gol de diferenza ante o líder da competición, o Balonmano San José Obrero Lanzarote. As de Redondela son décimas cunha racha de tres vitorias seguidas.
O equipo de As Nosas non quixo quedarse ao marxe desta gran cita que albergará o torneo na tempada 2019/2020. Por iso, desde a redacción, púxose en contacto co adestrador do CdeC Lavadores, Anxo Otero.
– As Nosas: Vides de perder ante o líder da División de Honra Prata, o Balonmano San José Obrero Lanzarote por tan só un gol de diferenza. Como está o equipo cara este duelo galego?
Anxo Otero: O equipo está ben. Traballando con gañas, a verdade é que e unha semana un pouco irregular debido as baixas e algunha xogadora que está enferma. Pero con gañas de afrontar un novo derbi galego.
– As Nosas: Para esta xornada, con que baixas contas no plantel?
Anxo Otero: A verdade é que afrontamos o partido con varias baixas, as mesmas que levamos arrastrando durante varias xornadas xa, e das cales non creo que recuperemos antes de acabar a tempada por desgracia.
Anxo Otero (CdeC Lavadores): “Son moi rápidas nas transicións defensa-ataque”
– As Nosas: O SAR Rodavigo é décimo e atópase nunha boa situación posto que leva tres partidos en racha sendo o último ante o Palencia Turismo. É un rival forte?
Anxo Otero: O SAR en un bo equipo, que ten boas xogadoras que levan xa anos competindo nesta categoría, pode gañarlle a calquera equipo da competición.
– As Nosas: No encontro da ida, en Redondela, ganáchedes por tan só un gol. Que temedes do rival?
Anxo Otero: Bueno, un dos seus puntos fortes son as rápidas transicións defensa-ataque, polo que teremos que estar moi atentas o repregamento e non ter ningunha pérdida de balón.
– As Nosas: Agora xogades na casa, o factor cancha será clave para que poidades levarvos a vitoria neste partido —no partido de ida en Redondela gañaron por un 22 a 23—?
Anxo Otero: Bueno, neste tipo de partidos todo pode pasar. O partido é moi igualado en todos los aspectos. Ambos equipos coñecémonos moi ben, habrá aficionados por partes iguais nas bancadas, e seguro que os nosos afeccionados nos empuxarán por loitar pola victoria para que quede na casa.
– As Nosas: Sodes oitavas na clasificación xeral, cal dirías que é a peza clave deste conxunto?
Anxo Otero: Como o adestrador que son penso que a clave do noso conxunto e a defensa, a partir de ahí e donde gañamos os partidos.
– As Nosas: Cal é o obxectivo que se pon na mente o Lavadores nesta tempada da División de Honra Prata?
– Anxo Otero: O obxectivo para esta temporada agora mesmo e seguir traballando, seguir mellorando, temos un equipo con unha media de edad moi baixa con moito marxen de mellora, competir cada partido ata o final, e intentar quedar o máis arriba posible.
