O Durán Maquinaria Ensino visita a complicada cancha do Valencia BC hoxe sábado 21 de xaneiro. O partido, que está fixado para as 19:15 horas no Pavillón Municipal Fuente San Luis de Valencia, vai ser arbitrado por Germán Francisco Morales Ruiz, Juan Ramón Hurtado Almansa e Laura Piñeiro Amondaray. Sen renunciar a nada, Antonio Pernas, adestrador das galegas, tiña claro na previa que este rival “non é a nosa liga”, aínda así, avisa de que “seguramente durante momentos do partido estaremos aí”.
Volvemos a un lugar mágico. ‼️‼️‼️
🏆 Xornada 18 #LFEndesa
🆚 @valenciabasket
📍🏟 Fonteta
⌚️19:15 horas
📺 Canal Feb#VamosEnsino #ActitudRío pic.twitter.com/3gXwRUFWGo— Ensino Lugo (@EnsinoLugoCB) January 21, 2023
As galegas, necesitadas de puntos, chegan á pista das segundas clasificadas da Liga Femenina Endesa (empatadas a puntos co Spar Girona, líder) nesta xornada 18ª. O partido será transmitido por Levante TV.
O Valencia CB leva 12 partidos seguidos gañando
As xogadoras que adestra Rubén Burgos suman xa 12 vitorias seguidas nesta liga. Nada que ver cos últimos resultados das galegas que suman cinco derrotas consecutivas.
Neste choque o Valencia BC mantén a baixa de Bec Allen (operada), e súmalle a de Alba Torréns que se doe dun nocello. Recupera Rubén Burgos a Ángela Salvadores.
O histórico de resultados entre ambos os dous equipos tampouco favorece ao Durán Maquinaria Ensino que na Liga Femenina Endesa de baloncesto aínda non venceu ás valenciás. No cruce da primeira volta o Valencia BC gañaba 57-68 ás lucenses.
Será un partido especial para Lorena Segura que retorna a Valencia para medirse ao seu ex equipo.
Pernas, adestrador do Ensino: “Temos que xestionar mellor os momentos finais”
Na previa do partido Antonio Pernas, adestrador do Durán Maquinaria Ensino de Lugo, indicaba que se pasou a semana con ilusión e traballo.
Na cabeza do técnico está mellor os finais de encontro que é o que está a condenar ás galegas a acumular derrotas. “Levamos unha serie de partidos que non somos quen de xestionar ben os últimos minutos. Xogamos como nunca, perdimos coma sempre. Xogamos moi ben 2-3 cuartos, sobre todo involucrando a moitas xogadoras. Temos que xestionar mellor esos momentos finais. Estámolo adestrando. Buscamos que se volva repetir esa situación para xestionala doutro xeito. Somos conscientes das nosas limitacións”.
Seguramente o peor rival para saír desa mala serie de resultados sexa o Valencia CB. Antonio Pernas, sábeo. “Xa cando viñeron a Lugo, castigadas polas lesións, xa nos pasaron por encima no último cuarto. Pero non é a nosa liga. Non nos podemos fixar de que o rival a bater sexa o Valencia BC, temos que facer un traballo bo, de calidade e que sigan aparecendo xogadoras. Haberá momentos do partido no que estaremos aí. O tema defensivo é outra cousa que queremos mellorar. Se nos permite estar no partido, benvido sexa”.
