Para a vindeira tempada tres xogadoras xa non competirán coa camiseta do Poio Pescamar. Antía Pérez, Mirian Ruíz e Clara Rodríguez non seguirán no club galego.
Estas saídas súmanse á marcha da porteira Silvia Aguete, unha peza importante no equipo, no que chegou a ser capitá, e unha xogadora que foi premiada como mellor gardameta do mundo no 2019. O Poio despediuse da futbolista desexándolle “sorte no futuro”.
Silvia Aguete no continúa para la próxima temporada ❗
Separamos nuestros caminos, pero deja una imborrable huella en nuestro club.
Suerte en el futuro, capitana 💪 pic.twitter.com/3znogb0SQF
— Poio Pescamar FS (@PoioPescamarfs) June 4, 2021
No relativo ás tres novas saídas, Antía Pérez deixa ás vermellas despois de tres tempadas. A propia xogadora despediuse do equipo conserveiro en redes sociais, recordando as súas lesións de LCA e a campaña marcada pola pandemia. “Poñemos fin a unha das etapas máis agridoces que vivín no fútbol sala”, declara Pérez.
C’est fini @PoioPescamarfs ! pic.twitter.com/4Gak8ErNcV
— Antía Pérez (@antipg8) June 7, 2021
Pola súa banda, Clara o fai despois de dous cursos e Mirian despídese despois dunha tempada na que chegou a ser fundamental nos plans de Manu Cossío.
Nos próximos días, o conxunto vermello anunciará novas incorporacións mentres conforma un plantel competitivo para o curso 2021/2022 na Primera División.
