Desde a directiva do CD Burela FS anuncian que a á-pivote, Antía Pérez, súmase como reforzo do equipo feminino para a tempada 2022/23.
“Co obxectivo de seguir construíndo un conxunto de calidade e cun longo futuro por diante, Pescados Rubén Burela decidiu fichar á internacional española procedente do Sala Zaragoza”, explican desde o club da Mariña.
Antía Pérez é unha das xogadoras galegas da nosa liga con máis proxección, e estamos seguros que será unha peza importante para as Guerreiras Laranxas no futuro.
Antía Pérez foi convocada coa Selección Española
A pivote formouse nas categorías inferiores do Ourense Envialia, estivo varios anos competindo en Poio Pescamar e a campaña pasada defendeu as cores do Sala Zaragoza. Agora ficha polo Pescados Rubén Burela, un club onde poderá seguir crecendo e demostrar a súa calidade en primeira división, co obxectivo de loitar por todo.
Ademais, a futbolista galega empeza a ser unha habitual nalgunhas das concentracións da Selección Española, algo que se gañou con suor grazas o seu bo rendemento no 40×20 cada xornada. “Esperamos que con Antía Pérez o conxunto de un bo salto de calidade e poidan lograrse os obxectivos da tempada”, contan desde o club lucense.
