Cun tempo de 47.226, a 1.294 do ouro, a galega Antía Jácome remata o C1 200 dos Xogos Olímpicos en quinta posición e volve a casa cun diploma olímpico.
“Sinto unha gran alegría por conseguir o diploma olímpico e por estar aí pelexando a regata ata o final, cunha chegada moi axustada para decidir quen se levaba a medalla de bronce”, declarou a deportista á Real Federación Española de Piragüismo.
A pontevedresa, de 21 anos, logrou chegar á final da proba de piragüismo despois de quedar cuarta na semifinal, cunha marca de 47.414.
Nos seus primeiros Xogos, Jácome foi quen de levar á embarcación do C1 200 á final, na que é a estrea olímpica desta modalidade deportiva. A vencedora foi a estadounidense Harrison, que rematou a competición cun 45.932. A prata foi para a canadiense Vincent-Lapointe e o bronce para a ucraína Luzan. Por diante da galega quedou tamén a polaca Borowska.
