Munich acolle o Campionato de Europa Sprint absoluto no que están a participar galegas e galegos. A caonista Antía Jácome é unha delas. A deportista olímpica en Toquio vén de clasificarse para a final do C1 200 acadando o mellor tempo cun crono de 47.479.
Ver esta publicación en Instagram
Lara Feijoo finalizou cuarta a súa quenda no K1 200 cun tempo de 42.600 que non lle permitirá estar na final, si nas semifinais.
O C2 500, outro reto para Antía Jácome
Antía Jácome competirá tamén no C2 200 facendo parella coa deportista madrileña María Corbera. Mentres que a tamén galega Cristina Soutelo estará no C2 500.
Xustamente a española María Corberá vén de proclamarse Campioa de Europa no C1 500.
🥇 @mariacorbera ES CAMPEONA DE EUROPA 🥇
Su ritmo desde el principio le ha permitido marcar la carrera de principio a fin. Nuestra María está de dulce.
¡Brava! 💙 #CanoESP pic.twitter.com/8dlVfINQ0j
— PiragüismoEspaña (@RFEPiraguismo) August 19, 2022
A lista de deportistas galegos nestes europeos que se celebran en Munich complétase con: Diego Romero (C1 5.000), Cristian Toro (K2 200 e K4 500), Adrian Sieiro (C2 500) Roi Rodríguez (K4 1000), Iván Fernández (K1 200) e Adrián Mosquera (VL3 200).
Nesta competición continenal de canoe sprint e paracanoe hai deportistas procedentes de 37 países, segundo informa a organización. Ademais de España, hai regatistas de: Armenia, Austria, Bélgica, Bosnia Herzegovina, Bulgaria, Croacia, Chipre, República Cheque, Dinamarca, Estonia, Finlandia, Francia, Gran Bretaña, Georgia, Alemania, Grecia, Hungría, Irlanda, Israel, Italia, Latvia, Lituania, Luxemburgo, Moldavia, Macedonia, Noruega, Polonia, Portugal, Rumanía, Serbia, Eslovaquia, Eslovenia, Suiza, Suecia, Turquía e Ucraína.
Consulta aquí os resultados deste Campionato de Europa de sprint 2022 que se celebra en Munich
