Antía Jácome é campioa de Europa no C1 200 metros logo de cruzar a meta na final cun tempo de 48.642. Seguiulle coa prata a remeira ucraína Liudmyla Luzan cun tempo de 49.271 (+0.629), e foi bronce a croata Vanesa Tot cun crono de 49.489 (+0.847).
¡LA REINA HA VUELTO! @antiajacc conquista Europa sobre su canoa en el C1 200.
La gallega consigue una medalla de oro más para el #CanoESP. #SomosPalistas pic.twitter.com/5JGnylGN7I
— PiragüismoEspaña (@RFEPiraguismo) August 21, 2022
Así foi a regata na que Antía Jácome acaba o pase á final da carreira de C1 200 metros
Ver esta publicación en Instagram
Ademais a padexeira olímpica galega Antía Jácome foi prata xunto coa madrileña María Corberó no C2 200 metros. So as húngaras Bianka Nag e Giada Braganto foron quen de vogar máis rápido cas españolas cruzando a boia de meta cun tempo de 44.066. A parella conformada por Antía Jácome e María Corberó foron de menos a máis na proba final e chegaron con so +0.052 sobre as gañadoras. A dupla española colgouse así a prata europea. O bronce foi para as xermanas Lisa Jahn e Sophie Koch cun tempo de 44.879 (+0.813).
🤍 @mariacorbera y @antiajacc se proclaman SUBCAMPEONAS DE EUROPA en una regata que se decidió en el último sprint.
9️⃣ MEDALLAS para el #CanoESP.
¡Estamos de dulce! 💙 #SomosPalistas pic.twitter.com/KCbD38UFSH
— PiragüismoEspaña (@RFEPiraguismo) August 21, 2022
Lara Feijoo, sétima no K1 200m
Entre as regatistas galegas tamén estaba participando neste Europeo de Munich Lara Feijoo quen finalizou en cuarta posición a súa quenda no K1 200 m cun tempo de 42.600 que non lle permitiu estar na final, si nas semifinais. Na súa semifinal, Lara Feijoo foi segunda cun tempo de 42.254, un crono +0.056 con respecto á primeira clasificada que foi a letona Aldina Madara. Deste xeito conseguiu o seu pase á final na que rematou en sétima posición cun crono 42.419 (+2.571).
O triunfo no K1 200 metros foi para a regatista de Dinamarca Emma Jorgensen que fixo o recorrido en 39.848.
Cristina Soutelo, oitaba no C2 500m
A terceira padexeira galega neste europeo foi Cristina Soutelo que competiu no C2 500 metros xunto a regatista Antía Romero. Na final, esta parella de padexeiras españolas rematou na oitava praza cun tempo de 2:11.646 (+13.974).
O triunfo nesta modalidade e distancia (C2 500 metros) corrrespondeulles á parexa de padexeiras ucraínas Liudmyla Luzan e Anasatasiia Chetverikova que detiveron o crono en 1:57.672.
Os dous metais de Antía Jácome suman no total de 15 de España
Con respecto ao global do equipo español de piragüismo neste Europeo de Munich, hai que significar que conseguiron un total 15 medallas, un hito que a propia Federación Española de Piragüismo cualifica na súa páxina web como “o mellor resultado da nosa historia”.
Recompilando metais temos que Juan Antonio Valle foi ouro no KL3 200m. Higinio Rivero foi prata nos VL2 200m. Isabel Contreras fixo bronce no K1 1000m, mentres que o dúo conformado por Francisco Cubelos e Íñigo Peña foi prata no K2 1000m. Sete Benavides e Antoni Segura colgáronse tamén a prata en Munich na mesma distancia na que fixeron o propio Antía Jácome e María Corbera, é dicir, C2 200m. Foron ouro Joan Antoni Moreno e Adrián Sieiro (C2 500m).
A prata foi para Walter Bouzán (K1 5000m) e bronce para Eva Barrios (K1 5000m). Outro dos ouros foi para María Corbera, compañeira de Jácome, que gañou no C1 500m. e tamén no C1 5000. Pablo Graña, galego, fixo prata no C1 200m. Tamén foi prata Higinio Rivero, neste caso no VL2 200m. Bronce foi o metal para a parella conformada por Begoña Lazkano e Laia Pélachs en K2 1000m. E fixeron praga o cuarteto do K4 1000m formado por: Francisco Cubelos, Pedro Vázquez, Roi Rodríguez (galego) e Íñigo Peña.
DEPORTISTAS DE ÉLITE EN EL EUROPEO #CanoESP👏🏻👏🏻✨✨
¡Enhorabuena, campeones!
🥇@mariacorbera C1 5000
🥉Eva Barrios K1 5000
🥈@WBouzan K1 5000
🥇@antiajacc C1 200
🥇Joan Antoni y Adrián Sieiro C2 500¡BRAVO!🛶#Munich2022 pic.twitter.com/xKre1bm4Ow
— CSD (@deportegob) August 21, 2022
