O piragüismo galego está de noraboa. O dúo formado por Antía Jácome e Antía Otero vén de asegurar a súa praza no Preolímpico de Hungría, na modalidade C2 500.
Con este resultado, as dúas padaxeiras da Escola de Piragüismo Ciudad de Pontevedra poderán competir na Copa do Mundo e ademais loitar por unha praza nos Xogos Olímpicos de Toquio 2021.
“Teño 18 anos e é un soño feito realidade, como para calquera deportista. Os Xogos de Toquio son un soño que aínda me custa imaxinar”, admitía Otero tras superar a proba.
🚣 As galegas Antía Jácome @antiajacc e Antía Otero @epcp_official logran praza para clasificatorio Preolímpico, Campionato de Europa e Campionato do Mundo, no selectivo C2 500 Mulleres Senior en #Trasona@federaciongapi @RFEPiraguismo pic.twitter.com/ThGVaR3Wy0
— En Xogo tvG2 (@EnXogo_tvG2) April 22, 2021
Esta nova chega despois de que a pontevedresa asegurara a súa presenza no Preolímpico en C1 200, despois de declararse campioa na proba deste mércores 21. Así, a deportista do club galego opta a competir en dúas categorías en Toquio, se consegue clasificarse no campionato de maio de Hungría.
“Non teño palabras, estamos moi contentas”, declaraba emocionada Jácome.
