A galega Antía Jácome vén de conseguir, nos selectivos de Trasona, praza para disputar o preolímpico na categoría C1 200. Ao gañar, a galega acada praza para competir na Copa do Mundo que será o clasificatorio para Toquio 2020.
O embalse de Trasona, en Asturias, está a acoller nestas datas os selectivos da Federación Española de Piragüismo. A padexeira pontevedresa venceu na final de C1 (canoa individual), na distancia de 200. A segunda praza foi para María Corbera e a terceira para a súa compañeira Antía Otero, tamén da Escola de Piragüismo Ciudad de Pontevedra.
🎙 Antía Jácome. Plaza para el Preolímpico en C1 200 Mujeres Senior #selectivos #Trasona pic.twitter.com/3yaaL38bBE
— PiragüismoEspaña (@RFEPiraguismo) April 21, 2021
Ao rematar a proba, Antía Jácome declaraba que tiña sido “unha regata na que gocei moito. Estou supercontenta do resultado. Feliz de que teña saído a luz o traballo deste ano. Espero que mañá, no C2-500, vaia aínda mellor”.
Consultada sobre o que suporía ir a Toquio, Jácome explicaba que “para todo deportista ir a uns xogos olímpicos é un soño. Para min é un soño desde pequeniña”.
Antía Jácome buscará con Antía Otero, billete tamén no C2-500
Xustamente facendo parella con Antía Otero, Antía Jácome tentará mañá, xoves 22 de abril, conseguir un segundo billete para o preolímpico, esta vez en C2 500.
Con Antía Jácome xa van dúas padexeiras da Escola de Piragüismo Ciudad de Pontevedra que acadan sitio no preolímpico que terá lugar en Hungría aló polo mes de maio. Dado que Carolina García, que fai parella con Sara Ouzande no K2-500, estará presentes no preolímpico de piragüismo
Carolina García e Sara Ouzande estarán presentes no preolímpico de piragüismo
