A Real Federación Española de Atletismo publicou os criterios de preselección para acudir ao Campionato de Europa Sub-23 de Aire Libre. A cita deportiva terá lugar do 8 al 11 de julio de 2021 en Bergen (Noruega). Na circular feita pública se confirman as marcas precisas para acudir a esta cita internacional. O documento permite que a galega Antía Chamosa soñe con Europa.
Segundo informa o seu equipo, a Sociedad Gimnástica Pontevedra, a deportista pontevedresa xa ten competido dúas veces deste ano por debaixo da marca que pide a federación na distancia de 20km marcha.
O mellor rexistro da galega esta tempada é de 1:36.27. Ese tempo foi o que lle deu o primeiro posto no Campionato de España Sub-23 de 20km, foi tamén récord gallego na súa categoría.
Deste xeito, o seu billete a Bergen estaría, en principio validado. Este era un dos principais obxectivos que a marchadora quería acadar este ano e que xa comentaba nunha entrevista da que nos facíamos eco recentemente en As Nosas.
Chamosa terá que demostrar que mantén o nivel na tempada
Aínda estando en posesión das marcas mínimas que pide a Real Federación Española de Atletismo (RFEA), Antía Chamosa terá que seguir demostrando o seu estado de forma no que queda de tempada. Nomeadamente no Campionato de España Sub-23 que está previsto que se celebre os días 19 e 20 de xuño en Nerja.
No seu club, a Sociedad Gimnástica de Pontevedra, remítenlle a “noraboa por conseguir las mínimas”, e lle desexan “sorte para que siga demostrando o seu bo estado de forma nesta tempada e a RFEA confíe nela de cara ao Europeo”.
Antía Chamosa: “O Europeo Sub-23 é o gran obxectivo este ano”
