O Campionato de España sub23 ao aire libre remata cun gran balance para as atletas galegas. As nosas deportistas conseguiron catro das seis medallas irmandiñas obtidas en Nerja. Ademais, a expedición galega contou con 23 postos finalistas, dos 33 atletas que competiron.
Por resultados, excelente Antía Chamosa, da SG Pontevedra, a cal asumía o seu papel de favorita, logrando tanto o título nacional, como a mellor marca española do ano e a terceira de Europa da súa categoría con 46:07.44.
Ver esta publicación en Instagram
Novamente bos resultados os que deparaban os concursos, ca medalla de prata de María Ezquerro. do Atletismo Sada. quen no lanzamento de disco lograba unha MMP pasando da barreira dos corenta metros e lanzando ata os 41,52 m.
CAMPEONATO DE ESPAÑA SUB23 (Nerja)
PODIO Disco 🚺
🥇Emma García 44.10
🥈María Ezquerro 41.52
🥉Irene Muriedas 39.70👏👏👏
🔗 https://t.co/TyjVBfzec1
📺 https://t.co/AhcMSyBtH6 @LaLigaSportsTV#CEatletismoSub23 pic.twitter.com/H236ZtK2XY— atletismoRFEA (@atletismoRFEA) June 20, 2021
Na xavelina Ivanna Carolina Román, do Ría Ferrol, lanzaba ata os 41,23 m. lonxe dos seus recentes 48,92 m. da última xornada da liga de clubs, malia elo colgaba a medalla de bronce nesta final de xavelina que contaría con nada menos que ca presenza de cinco lanzadoras galegas.
A internacional Eva Queimaño lograba unha meritoria medalla de bronce no concurso de combinadas sub23, repetindo o posto de podio que lograra no último nacional indoor.
As finalistas que quedaron fóra do podio sub23
Estivo preto de subir ao podio sub23 Andrea González, da SG Pontevedra, que finalmente sería cuarta en xavelina, seguida por outras tres galegas, Andrea Botella, do CA Santiago, Claudia Puig, da SG Pontevedra, e Uxía Sureda, do LUCUS Caixa Rural, xa na sétima posición.
Tamén foron quintas Raquel Meaños, do Valencia A., nos 800m. e Adi Iglesias, do LUCUS Caixa Rural, nos 200m. Outras tres atletas sub23 remataron sextas: Lucía Rivadulla, do Ría Ferrol, nos 400 metros valos, Adi Iglesias de novo, desta vez nos 100 metros, e Olaia Becerril, do Playas Castellón, en lonxitude.
O listado de finalistas completouse con Andrea País, do Atletismo Feminino Celta, como sétima nos 200 metros, a súa compañeira Uxía Paz, tamén sétima no triplo salto, María Carballida, do Atletismo Friol, ermatando oitava nos 800 metros e Iria Filgueira, do SG Pontevedra, quen foi 12ª en lanzamento de martelo.
O resto da expedición galega
Tamén acudiron a este Campionato de España sub23 outras seis atletas galegas que non chegaron á final. Ruth Carrera, do Atletismo Feminino Celta, finalizou 11ª na semifinal 2 da proba dos 1.500 metros. Andrea Pais, quen fora finalista nos 200 metros, quedou fóra da final nos 100 metros, sendo a sexta mellor da semifinal 2. Na mesma proba, pero na semifinal 1, Cristina Garrido, da SG Pontevedra, foi terceira.
Pola súa banda, Ana Iglesias, do Coruña Comarca, foi cuarta na semifinal 2 dos 200m., mentres que Lucía Ferrer, da SG Pontevedra, foi sexta na semifinal 1 dos 100 metros valos, e Elena Costas, do A.F. Celta, foi 11ª na semifinal 1 dos 1.500 metros.
