Esta fin de semana as pistas do centro Galego de Tecnificación de Pontevedra (CGTD) serán a sede da disputa do Campionato de Galicia de Marcha en Pista no que as miradas estarán postas na marchadora Antía Chamosa. A galega é a actual campioa estatal da disciplina. Chamosa aspira a conseguir o título autonómico. Explican desde o seu club a Gimnástica de Pontevedra que no palmarés desta atleta, de tan so 21 anos, acumúlanse xa once primeiros postos en campionatos galegos na modalidade de marcha, tanto en ruta como en pista ao aire libre.
Segundo informa a Federación Galega de Atletismo, “preto dun cento de marchadores e marchadoras acudirán este domingo a partir das 9.45 horas para loitar polos postos de podio desta importante edición que será retransmitida e comentada en directo a través da canle youtube da FGA“.
Protocolo de prevención da COVID-19
As estritas medidas de seguridade marcarán esta edición, como ven sendo habitual no desenvolvemento dos últimos campionatos por mor da pandemia de COVID-19.
A cita contará ca presencia destacada da internacional e campioa de España absoluta este ano, Antía Chamosa da Gimnástica, quen tomará parte na proba dos 5.000 m. marcha. A marchadora intentará sumar o seu sexto título autonómico da modalidade e empatar así a triunfos, cos acadados no seu día por Eva Iglesias gañadora nos anos 2004, 2005, 2010, 2011, 2013 e 2015.
Xunto a Antía estará competindo a Sub20 Iria Rivas, quen sería medalla de bronce no nacional de ruta deste ano en Torrevieja. Ademáis da categoría absoluta, disputaranse as medallas no resto de categorías. Na categoría feminina intentarán repetir título, Sabela Castelo do AVA na Sub12, Aldara Meilán da Atlética Lucense na Sub16, Salomé Segade do Millaraio na Sub16, Alba Pérez do A. Negreira na Sub20, Emilia Rodríguez do Trega na máster 40 e María del Carmen Jueguen de A Silva na máster 45.
Daniel Chamosa, irmánde Antía, aspira ao título na masculina
Nos homes, Daniel Chamosa irmán de Antía e tamén da Gimnástica parte de igual modo como favorito para sumar o que sería o seu quinto autonómico. O atleta admite “non ter adestrado moito, xa que logo de rematar a tempada pasada hai pouco, non tiña retornado de cheo aos adestramentos”.
Caso de acadalo seu quinto título, Danie Chamosa, quedaría a tan só un título dos seis de Jorge Ignacio Silva quen encabeza o ranking con seis campionatos que van dende o 2002 ata o 2007.
Nesta mesma categoría, compre salientar a tamén participación do subcampión mundial e campión europeo máster Iván Morales do Marineda quen xa conoce o que é ganar un galego grazas ao seu triunfo no ano 2018 en Narón.
Entre os homes, estarán defendendo os seus títulos os marchadores, Mario Costa do Samertolameu na categoría Sub12, Mauro Alexandre do ADAS Proinor na Sub14 , Pablo Sánchez da Atlética Lucense na Sub16, Ismael Díaz do C.A. Sada na Sub18 e Manuel Polo do A. Narón na máster 45.
Recoñecemento á memoria de Jordi Llopart e Mariano Castiñeira
Na saída da proba absoluta masculina, gardarase un minuto de silenzo en recoñecemento do que fora primeiro medallista olímpico do atletismo español e precursor da marcha Jordi Llopart, falecido recentemente. Este atleta, estaría sempre moi ligado á marcha galega a través do seu apoio a diversos proxectos atléticos, entre os que cabe destacar a do G.P. Internacional Cantones de Marcha Atlética – Sergio Vázquez.
De igual modo dende a Federación Galega de Atletismo quíxose lembrar a súa figura ca edición conmemorativa da súa figura no cartel deste Campionato Galego.
Tamén tristemente produciriase fai apenas días o falecemento do adestrador lucense Mariano Castiñeira ao que desde a Federación queren tamén lembrar “nesta primeira proba oficial tras a súa ausencia, á espera de poder organizar en Lugo un acto acorde a súa importancia e relevancia”.
