A atleta galega Antía Chamosa acudía ao Campionato de Europa sub23 de Tallín (Estonia) como unha das grandes apostas da Selección Española e cumpriu as espectativas. Cun tempo de 1:35.04, a pontevedresa colgouse a medalla de bronce no continental.
“Onte estaba soñando, hoxe é real. Estou disfrutando moitísimo e moi contenta, lévome a MMP, a terceira posición. Sufrimos ata o final pero se conseguiu, así que moi contenta”, resumiu a deportista, á fin da proba.
🎙️Antía Chamosa (20 km marcha) 🥉
#EspañaAtletismo #PasiónPorCompetir pic.twitter.com/9iJwUxeIGQ
— atletismoRFEA (@atletismoRFEA) July 10, 2021
A marchadora internacional logrou coa súa marca un novo récord galego sub23, mellorando en 1:23 a anterior plusmarca galega, tamén súa, establecida no pasado mes de marzo. Ademais, esta foi tamén a MMP de Chamosa.
A vencedora da proba, a turca Bekme acadou unha marca de 1:33.08, a 1:56 da galega. Seguiuna no podio a francesa Stey, que parou o reloxo nos 1:34.47. Podes consultar nesta ligazón os resultados.
Con esta medalla de bronce, Chamosa métese na lista de grandes marchadoras españolas, entrando no ránking de medallistas desta modalidade.
Una medalla de BRONCE ganada a pulso 👏👏👏
Se une a grandes de la marcha española 🚺
1997 María Vasco 🥈
2011 Julia Takacs 🥇
2015 Laura García-Caro 🥉
2017 María Pérez 🥈
2021 Antía Chamosa 🥉#EspañaAtletismo #PasiónPorCompetir pic.twitter.com/OTo5vm8qjn
— atletismoRFEA (@atletismoRFEA) July 10, 2021
A FGA resalta a evolución de Antía Chamosa
Nun artigo na súa web, a Federación Galega de Atletismo destaca a evolución da atleta da SG Pontevedra desde os seus inicios ata o seu último éxito en Tallín.
“A evolución de Antía Chamosa, ven sendo nos últimos anos moi importante”, sinalan desde o organismo. O seu comezo no atletismo no ano 2009 con dez anos producíase xa sobre a especialidade de marcha, onde lograba ese mesmo ano un noveno posto no Campionato Galego Sub10 sobre os 3 Km.
Desde ese entón a súa progresión, adestramento e indudable talento foron medrando de maneira progresiva baixo a sempre atenta mirada do seu adestrador e descubridor Antonio Pardal, (e xa nos últimos anos de Monserrtat Pastor) que fixeron que no ano 2012 lograra o seu primeiro Campionato de Galicia Sub14.
Tal e como recordan desde a FGA, ano mais tarde, no 2013 en Granollers, Antía Chamosa lograba o seu primeiro título nacional na proba 3.000 m. sendo Sub16 de ahí, xa instalada no máis alto do panorama nacional, viñeron o resto de destacadas actuacións: campioa de España Sub16 no ano 2014; bronce no nacional Sub18 do ano 2015 e prata no 2016; prata no nacional Sub20 no 2017; prata no nacional Sub20 e Sub23 no 2018 e 2019 respectivamente.
O mellor resultado foi o título de campioa de España absoluta nos 10.000 m. en Madrid o ano pasado e o de campioa de España Sub23 sobre a mesma distancia deste ano en Nerja.
A súa primeira internacionalidade prodúxose no ano 2015 no Campionato do Mundo Sub18 de Cali (Colombia) no que remataba no posto 22º sobre a proba dos 5.000 marcha. No ano 2016 acudía novamente ao Campionato de Europa Sub18 onde remataba na 14ª posición nos 5.000 m.
Xa no 2017, lograba un posto de finalista co 7º lugar no Campionato de Europa Sub20 de Grosseto que daba paso ao Campionato do Mundo Sub20 de Tampere (Finlandia) no que lograba o posto 17º na proba dos 10.000 marcha. No 2018, debutaba ca selección absoluta no Campionato do mundo de marcha por equipos na localidade chinesa de Taicang rematando de maneira moi brillante no posto 12º.
Tería que chegar o 2019 para presenciar, ata entón, o mellor resultado co seu 5º posto no Campionato de Europa Sub23 en Suecia na proba dos 20 km. e o 11º no Campionato de Europa de marcha por equipos ca selección absoluta de Podebrady (Rep. Checa) deste mesmo ano.
