Murcia, coloca novamente a marcha no epicentro do calendario do atletismo estatal ca celebración este domingo do Campíonato nacional dos 20 quilómetros absoluto e Sub-23. A esta cita deportiva coa marcha atlética acuden catro das nosas e nosos especialistas, dúas mulleres e dous homes. A cita deportiva celébrase na Avenida Juan Carlos I de Murcia mañá, domingo 14 de marzo de 2021.
Na categoría femenina estará na línea de saída a Campioa de España absoluta sobre os 10.000 m. en pista, e campioa galega sobre a mesma distancia de ruta, a internacional Antía Chamosa da Sociedad Gimnástica de Pontevedra. Estará tamén nesta competición a marchadora do Ourense Atletismo e subcampioa galega o ano pasado en Marín, Carmen Escariz. As dúas son grandes expoñentes da marcha femina en Galicia e referentes.
Dani Chamosa e Juan Manuel Morales, os representantes masculinos
Na categoría masculina tomarán parte dous dos nosos máis importantes marchadores na porocura de bos rexistros. Dani Chamosa da Sociedad Gimnástica de Pontevedra é o actual campión galego absoluto sobre os 5.000 m. en pista na edición celebrada A Coruña o ano pasado. Namentras que o campión de España e medallista internacional máster Juan Manuel Morales do Marineda, facía o propio no campionato desenvolto Pontevedra sobre a mesma distancia.
Como todas as competicións atléticas desde que se retomou a competición nesta pandemia, o protocolo de prevención da COVID-19 será estrito, limitando o acceso de persoas á zona de competición.
Por outro lado, o reglamento recolle que por “esixencia das autoridades sanitarias locais, todas e todos os atletas participantes e persoas acreditadas, deberán presentar, á recollida do dorsal, un certificado Test de Antígeno negativo o PCR negativa realizada canda menos a 48 horas da proba” deportiva.
As marcas mínimas esixidas (na tempada actual e anterior) para participar neste Campionato de España para as deportistas nacidas en 2001 e anteriores eran:
- Absoluto feminino: 20km 2h 00:00 / 10 km 57:00
- Sub 23 feminino: 20km 2h 06:00 / 10 km1h 00
- Absoluto masculino: 20km 1h 42:00 / 10 km 48:00
- Sub 23 masculino: 20km 1h 52:00 / 10 km 53:00
