- Antía Chamosa, da Gimnástica de Pontevedra, proclámase campioa absoluta no Campionato Xunta de Galicia de Inverno de marcha en pista.
As pistas da Alta da Pobra da Caramiñal acollían na fin de semana a máis dun cento de marchadoras e marchadores para a disputa do Campionato Xunta de Galicia de Inverno de marcha en pista baixo un bo ambente e unha excelente climatoloxía.
Como era previsible os irmáns Antía Chamosa e Daniel Chamosa, ambos os dous pertencentes á disciplina da Gimnástica de Pontevedra, proclamáronse campións galegos absolutos desta edición cun rexistro de 22:55.83 e de 20:32.46 sobre a proba dos 5.000 m.
Xunto eles estiveron compartindo podio na categoría feminina Aldara Meilán da Atlética Lucense quen plantou cara á gañadora rematando segunda con 23:39.60 e Alba Pérez do Atletismo Negreira, bronce con 26:11.07. En homes dobre podio para o Marineda Atlético da man Juan Manuel Morales, prata con 21:41.60 e Ismael Díaz, bronce do 23:22.17.
No resto de categorías os triunfos corresponderon na proba dos 3.000 marcha Sub16 a Noa Abelleira do Lucus Caixa Rural con 15:55.35 sendo na categoría Sub14 os títulos autonómicos para Alba Morales do Marineda Atlético con 10:24.37 e Tomás Bautista do Atletismo Porriño con 10:25.75.
Na categoría Sub12 dobre triunfo na proba dos 2.000 m. para os atletas do Atletismo Narón Alicia Espina con 11:55.31 e Antón Díaz con 11:20.45. Por último na categoría dos máis pequenos e pequeñas, a Sub10, proclamáronse gañadoras Paula Morales do Marineda Atlético con 5:33.51 e Thiago Ceide da Atlética Lucense con 5:26.08.
No resto de categorías másters femininas, Emilia Rodríguez do Trega domiñana a categoría W45 sendo María Soledad Pousa do Ourense Atletismo quen facía o propio ca W50. Sen abandonar a categoría máster, Manuel Polo do Atletismo Narón colleitaba un novo título autonómico na M45 ao igual que Carlos Morales do Ourense Atletismo na M35 e Manuel Labella do Atletismo Millaraio na M50.
Familias galegas entregadas á marcha: os Chamosa e os Morales Pereira
Como dato curioso é salientable as tres medallas logradas pola familia Morales Pedreira xa que tanto Alba Morales na categoría Sub14 como a máis pequena da familia, Paula Morales na Sub10, lograban gañar as súas respectivas probas baixo a atenta mirada da súa nai Cristina e a do seu pai, o campión mundial máster e plusmarquista galego da súa categoría Juan Manuel Morales ,que tamén lograba o campionato de Galicia na categoría máster M40 e o subcampionato na absoluta.
Este parentesco súmase ao que tamén protagonizan a parella de internacionais que forman os irmáns Antía Chamosa e Daniel Chamosa ou os de Natalia Rivas e Iria Rivas por citar só algúns dos máis coñecidos.
