Antía Chamosa, campioa galega de marcha

A marchadora galega Antía Chamosa, da Sociedad Gimnástica de Pontevedra, proclamouse esta fin de semana campioa de Galicia en pista. A deportistas chegaba á cita como favorita logo de ter gañado esta mesma tempada o título estatal da disciplina.

A gran triunfadora da cita foi, polo tanto Antía Chamosa, vixente campioa de España, que subiu dúas veces ao máis alto do podio agrandando así o seu currículum persoal. Chamosa proclamouse campioa campeona galega en categoría absoluta e tamén na sub23 na distancia de 5.000 m cun registro de 23:58.98, que é a súa segunda mellor marca desta tempada.

As pistas do Centro Galego de Tecnificación Deportiva (CGTD) de Pontevedra acolleron un novo Campionato de Galicia de inverno de marcha en pista. A cita deportiva estivo organizada pola FGA e Xunta de Galicia. Sen lugar a dúbidas o tempo verdadeiramente primaveral, sumado á enorme motivación reflexada na pista, favoreceron a consecución de boas actuacións e rexistros a nivel xeral.

A nivel resultados, tal e como salienta a Federación Galega de Atletismo, o máis importante foi o triunfo na categoría feminina da internacional e campioa de España de aire libre actual, Antía Chamosa da Gimnastica, quen co seu quinto título logrado nesta cita iguala no palmarés do campionato tanto a Eva Iglesias como a Jorge Ignacio Silva. Xunto a marchadora finalista no europea Sub23 de Gavle no 2018, estraron en postos de medalla Iria Rivas do Ría Ferrol e Alba Pérez do A. Negreira, respectivamente.

Morales, subcampión mundial máster faise co título masculino

Na categoría absoluta masculina saltaría a sorpresa co triunfo do subcampión Mundial máster Juan Manuel Morales quen lograría impoñerse ao favorito Daniel Chamosa da Gimnástica de Pontevedra logo de que o pontevedrés, que encabezaba comodamente a proba a falta de pouco menos de 500 metros, fora penalizado na zona de pit lane.

Con este triunfo, o marchador coruñés do Marineda, repite o título logrado no ano 2018 en Narón. A medalla de bronce correspondería a Hugo Martínez dio Lucus Caixa Rural Galega.

Estas e estos deportistas son as/os campioas e campións de Galicia nesta edición 2020:

• Categoría Absoluta. Antía Chamosa da S. Gimnástica e Juan Manuel Morales do Marineda A.
• Sub23. Antía Chamosa da S.Gimnástica
• Sub20. Iria Rivas do Ría Ferrol -CCA e Hugo Martínez do Lucus CRG
• Sub18. María Aboy do C.A. Cuntis e Ismael Díaz do C.A.Sada
• Sub16. Oleksandra Kostenko da Atlética Lucense e Pablo Sánchez A. Lucense
• Sub14. Claudia Sufuentes da A.Lucense e Andrés González do R.C. Celta
• Sub12. Sabela Castelo do Vila de Cangas e Anxo Jamardo da S.Gimnástica
• Sub10. Lola López do Ourense Atletismo e Antón Díaz do A. Narón
• Master 40. Mónica Figueiro do A. Ría de Arousa e Juan Manuel Morales do Marineda A.
• Máster45. María Emilia Rodríguez do Trega e Manuel Polo do A. Narón