Novamente a marcha galega continúa protagonizando momentos esteleres a nivel internacional e faino da man dos irmáns Chamosa. Antía Chamosa foi cuarta no Campionato de Europa nos 20k mentres que seu irmá, Dani Chamosa, foi sétimo nos 35k. Ambos formaron parte do equipo español que acadaba o subcampionato de Europa masculino e feminino.
O atletismo estatal acaba no Campionato de Europa de Marcha por equipos seis medallas por equipos (dous ouros e catro pratas) e cinco podios individuais con tres vitorias parciais e dous récords de España, segundo informa a RFEA.
Durante o transcurso do Campionato de Europa de Marcha desenvolto en Podebrody no que tanto Antía Chamosa como Dani Chamosa protagonizaron unha sobervia actuación que contribuiría decisivamente a que España lograra o subcampionato continental tanto na categoría feminina como na masculina.
Antía, 4.ª no Campionato de Europa
O equipo feminino de España dos 20K, no que tomaba parte Antía Chamosa, sumouse á esta festa de resultados.
Cun cuarteto hispano no que misturaba veteranía e xuventude, a competición avanzaba ao longo dos 20K., dun xeito moi homoxéneo entre Antía, Paula Juárez e Lidia Sánchez-Puebla. Cos tres primeiros postos definidos entre ucraínas e francesas, as españolas lanzáronse á loita polo cuarto posto que finalmente ocupaba a marchadora da Gimnástica de Pontevedra nunha extraordinaria competición que a facían rematar cun crono oficial de 1h.29:11 e que daba a España, xunto ao resto de actuacións, o subcampionato de Europa.
Dani Chamosa, récord galego
Cunha fría temperatura de 8º e 77% de humidade, dábase a saída ás 7:30 horas á primeira proba dos 35 K. masculinos na que tomaba parte Dani Chamosa. Xa dende o comezo, o galego efectuaba una excelente plantexamento, dosificando e administrando moi ben ao longo de toda a distancia.
Durante boa parte da proba, mantivo un man a man con Manuel Bermúdez do que acabaría distanciandose a falta das últimas voltas o que lle permitiron entrar en línea de meta nunha fantástica sétima posición cun crono de 2h.27.56, segundo informa a Federación Galega de Atletismo.
Con esta marca Dani, consigue un novo récord galego, a terceira mellor marca española de todos os tempos e o seu billete para tomar parte nos mundaos de Tokio.
